焱丸水產

營業中

休息中

如果你有去過日本既XX水產，就會發現依間居酒屋俾到你既感覺幾乎一樣，一入門充滿日系裝修，加上店舖彌漫住燒海鮮既氣味，如果近排去唔成日本旅行，黎依度食一次飯絕對可以解一解日本癮🤣依度除左環境似日本，食物其實都非常有水準，今日下午茶時間黎食少少野，飲番杯輕鬆下。先叫左少少刺身，有三文魚腩，赤貝同大牡丹海老，三款刺身都非常新孫，三文魚肥美，赤貝爽口，海老鮮甜。另外黎得依度當然要食埋燒海鮮啦，首先有燒大蝦，依度既店員好親切，佢地會幫客人燒埋，咁我地就唔怕燒得過熟或者生，大蝦好大隻，啖啖肉，肉質彈牙。另外仲有燒原隻鮑魚，鮑魚絕對新鮮，上枱既時候仲係非常生猛，店員一邊燒一邊調味，燒好既時候直接食就可以，鮑魚燒得外皮香脆，微微焦香，肉質爽滑得黎帶有鮮海水既咸味，簡直一流飲品方便我就點左杯鹽檸檬Highball，朋友就點左洋梨燒酌，兩杯飲品酸酸地又夠冰凍，用黎配燒海鮮就fit哂。