The Platter (悦品度假酒店‧屯門)

營業中

休息中

去酒店食自助餐閒閒地都要幾百蚊，屯門悅品酒店中午自助餐$200幾就食到，即管睇下性價比高唔高先～首先我地拎咗刺身先，有三文魚、鯛魚、魷魚、蟹棒。三文魚挺肥美同新鮮，鯛魚味道就比較清甜，我食咗好幾塊質素都唔錯的～另外都有壽司選擇、蝦、玉子、鰻魚、腐皮壽司等等～海鮮方面有蝦、青口，蝦肉好爽口，青口都大大隻的～至於熱食，有咖喱、糯米雞、粟米魚柳、同埋呢個價錢竟然有燒牛肉食～即叫即切，牛肉味都香濃～唔會太鞋～沙律、生果、麵包都多選擇，連中華沙律同螺肉都有，我最鍾意食～～要讚讚湯品南瓜忌廉湯，好creamy好夠熱，食完生冷野最好暖暖胃～飲品就有咖啡機和鮮果汁，選擇種類都算多，價錢嚟講性價比確係高～