新泰東南亞餐廳 (雙子匯1期)

營業中

休息中

見雙子匯岩岩開左無耐話黎行下，點知發現到呢間裝修好靚，好有泰國風味既餐廳！啲員工都係泰國人黎，一路食一路好似真係置身於泰國咁真心正！每樣菜都夠晒地道，食到舔舔脷～燒豬頸肉 真係無得輸！皮脆肉嫩，咬落去仲有肉汁爆出嚟，炭燒香好出，點埋個酸酸甜甜嘅醬汁，簡直係完美配搭！泰式柚子蝦沙律 超開胃！柚子清甜，蝦肉爽口彈牙，加埋啲花生碎同香草，酸酸辣辣，食完即刻想encore！馬沙拉咖喱雞 香到暈！咖喱好濃郁，椰奶味好出，雞肉煮到好淋好入味，撈埋薄餅食一流，食到停唔到口！冬陰功海鮮金邊粉 夠晒酸辣！好大碗，份量好足！湯底好濃郁，海鮮份量足，有蝦、青口、魷魚，金邊粉索晒啲湯汁，食落好過癮，辣得好刺激！芒果沙冰 絕對係泰國餐廳必點！芒果味超濃，沙冰打得好綿，甜度啱啱好，飲完即刻降溫，爽呀！青檸梳打 清新到爆！青檸嘅酸香同梳打嘅氣泡好夾，飲一啖即刻解膩，成餐飯嘅完美句號～總括嚟講，呢間泰國餐廳真心高質，味道正宗，環境又靚、價錢又合理，食咗咁多嘢都係每人二百幾三百蚊一定會再嚟幫襯！