肥公車仔麵

營業中

休息中

一直都有食開肥公，之前以為佢光榮結業超傷心，好彩原來只係搬位，仲要喺返附近，今日終於可以幫襯吓。一大碗勁開心，老老實實，我又覺得味道係差唔多嘅，不過價錢真係貴咗，但係衣家乜都貴晒，要體諒吓嘅，講真快餐店食個Lunch都要大約$50啦。睇吓今日食乜餸先︰牛腩︰必點之一，夠入味，唔會un唔會鞋，保持水準。豬皮︰唔會淋Pat Pat，夠爽口，都炆咗一段時間所以夠入味唔係滖水淥兩淥就比你嗰隻。豬小腸︰必點之一，叫嗰陣記住要叫豬小腸。小腸比大腸好食，因為煙韌D有趙口D兼且又少D肥膏。酸齋︰大件好味，不過覺得件數比以前係少咗嘅。加埋生菜底同一罐可樂，$72，貴係貴咗，不過仍然會繼續支持。