影片
更多
2015-07-13
964 瀏覽
今時今日嘅銅鑼灣，四處都迫滿咗人。想搵一個清靜一點嘅地方食飯，真係好似要响沙漠中搵水源咁難。難得朋友提意一間環境清淨而又不失氣氛嘅日本居酒屋，而且並無一般韓燒咁，燒完會以為去完小欖bbq。就決定放工後拖著疲倦嘅身軀，去親身睇吓佢所講嘅沙漠中嘅綠洲。《鳥居居酒屋》，正如舖名所講，就好似繁華鬧市中，鳥的天堂。地點正正响Sogo旁，一出銅鑼灣D出口，唔洗三分鐘，就可以到達。一入舖內，真係會有一種係日本人放工去居酒屋飲返杯，食吓串燒果種感覺。店子雖然唔大，大概有40個座位。但我就係鐘意呢種店員和食客的親和感覺。我倆被安排坐係靠窗的一旁，環顧四周，所有食客都係談笑自若。我想，一定係那種輕鬆嘅感覺令人一掃煩囂。居酒屋，一定唔少得串燒。呢度嘅串燒款式相當多，除咗串燒，仲有好多佐酒美食。先來一客明太子玉子燒，掛住傾計，無為意玉子心中的火辣流心。大口吃下，那種火燙感覺，證明明太子同玉子新鮮的結合。明太子的鮮咸，加上滑滑的玉子，令人對平時甜甜的玉子有別的一番感覺。再來係海鮮類爐端燒，我地分別嗌咗串燒海鰻以及串燒鰻魚。前者係新鮮的鰻魚，只加了一點日本岩鹽去燒，肉質彈牙，皮脆肉嫩。後者分別係加了照燒汁的鰻魚，
難得朋友提意一間環境清淨而又不失氣氛嘅日本居酒屋，而且並無一般韓燒咁，燒完會以為去完小欖bbq。就決定放工後拖著疲倦嘅身軀，去親身睇吓佢所講嘅沙漠中嘅綠洲。
《鳥居居酒屋》，正如舖名所講，就好似繁華鬧市中，鳥的天堂。地點正正响Sogo旁，一出銅鑼灣D出口，唔洗三分鐘，就可以到達。
一入舖內，真係會有一種係日本人放工去居酒屋飲返杯，食吓串燒果種感覺。店子雖然唔大，大概有40個座位。但我就係鐘意呢種店員和食客的親和感覺。我倆被安排坐係靠窗的一旁，環顧四周，所有食客都係談笑自若。我想，一定係那種輕鬆嘅感覺令人一掃煩囂。居酒屋，一定唔少得串燒。呢度嘅串燒款式相當多，除咗串燒，仲有好多佐酒美食。
先來一客明太子玉子燒，掛住傾計，無為意玉子心中的火辣流心。大口吃下，那種火燙感覺，證明明太子同玉子新鮮的結合。明太子的鮮咸，加上滑滑的玉子，令人對平時甜甜的玉子有別的一番感覺。
再來係海鮮類爐端燒，我地分別嗌咗串燒海鰻以及串燒鰻魚。前者係新鮮的鰻魚，只加了一點日本岩鹽去燒，肉質彈牙，皮脆肉嫩。後者分別係加了照燒汁的鰻魚，吃起來甜甜的，師傅將照燒鰻魚燒得恰到好處，唔會因為有醬汁而令鰻魚失去那份外脆感覺。
帶子串燒，必試，師傅將帶子燒到裡帶點糖心而外面香口，並無外面一般帶子串燒般心仍是冷。
半殼蠔，食落好creamy,加咗特製醬汁去燒。唔會搶咗蠔味，反而提升咗蠔的鮮甜海水味。
其他肉類方面，點了明太子翼，牛舌，煙肉車厘茄，露荀豬肉卷。值得推介嘅，一定係厚燒牛舌。本人其實好怕牛舌那份酥酥嘅味，但鳥居嘅牛舌油份平均，牛味香濃，加上岩鹽吃，改變咗我對牛舌嘅感覺。
煙肉車厘茄，蕃茄的酸，中和咗煙肉嘅油膩，煙肉燒得香脆，佐酒必點。
露荀豬肉卷，露荀細嫩，咬下去清脆利落。豬肉卷帶點肥美，但並不油膩，配搭一流，減肥女生少吃也無妨。
串燒種類仲有健康的燒洋蔥，出奇的甜。係大魚大肉之中間吓場，讓味蕾稍作休息。
忘我的大吃大喝兩個鐘，盡訴心中情，又係時候重返人間。在人來人往的銅鑼灣等巴士，身邊自由人大聲叫嚷，更令我懷念《鳥居》-雀仔的落腳點。
張貼
