翠林辣蟹舫

營業中

休息中

呢間餐廳屬於網紅必到嘅蟹店之一，名氣爆棚！加上每月嘅優惠菜式都會更改，踏入八月，即刻試試！話梅涼瓜＄68作為前菜酸酸甜甜，兩者嘅口感都幾夾，而且好開胃，令到我都好想喺屋企試吓用話梅檸檬冰浸涼瓜🤭🤭星加坡辣椒蟹$688星加坡辣蟹話就話辣蟹，實質味道唔會好嗆喉，蟹肉厚身鮮甜，醬汁非常惹味濃郁，蟹殼亦都唔會話好難處理，果然嚟到呢間餐廳，蟹的確係必點嘅菜式！黃金蟮球$128第一次食黃金蟮魚球，感覺非常特別，蟮俾人嘅感覺會好多幼骨，但炸起左，外皮酥脆香口，而且蛋黃碎沙沙粉粉的，滋味無窮。沙暴魚肚浸勝瓜$138食咗兩個濃味菜式之後，即刻點返個清淡時菜。湯底清香，勝瓜索哂湯底嘅精華更加鮮甜，用嚟中和一下的確係不錯嘅選擇。