O'Thai Restaurant

營業中

休息中

餐廳室外嘅位置對正維港景，而室內亦不乏靚景， 可從落地大玻璃望到維港美景，感覺亦都好開揚闊落。🥢芒果牛油果米紙卷$88煙韌米紙包裹住軟滑牛油果、甜香芒果及不同嘅蔬菜，口感清新，蘸點酸甜汁更增添風味。🥢和牛船麵$158有鮮甜嫩滑嘅和牛，彈牙爽口嘅肉丸，剛上檯時脆脆嘅豬皮，而索滿湯汁後又變得超軟滑，再加埋芽菜及通菜，並配搭濃郁湯汁，湯粉吸收哂啲精華，超惹味。🥢慢煮熟成和牛配紅咖哩$268和牛粉嫩軟腍，配合甜中帶香嘅紅咖哩，無掩蓋牛香味之餘更多份層次味道，咖喱汁內仲有甘筍、茄子、珍珠筍等蔬菜。🥭芒果糯米飯$98坊間一般嘅糯米飯好多時食落都係又彊又硬，而呢度就暖笠笠，軟腍腍，糯米飯仲有班蘭及原味，至於一口一粒嘅芒果亦夠哂甜香，並灑上焦香椰絲，配合埋個清甜而不膩嘅椰漿，好味。🍧椰子菠蘿意大利雪糕$42入口滿滿濃郁菠蘿嘅甜香味，繼而嚐到椰蓉嘅細碎口感，椰子與菠蘿做雪糕原來係超夾㗎。🥂氣泡酒$118Fantinel Prosecco Extra Dry NV, Friuli, ItalyHappy Hour 2for1，啱哂我哋飲兩round先happy嘅人士😆，帶酸酸地嘅橘皮香，清新怡人。