影片
更多
2020-01-21
665 瀏覽
四個人黎食，叫咗HSBC卡優惠四人餐，包括有沙律，蘑菇湯，小食拼盤，雞肉夾餅及芝士帶子忌廉燴飯同埋35安士牛排。Side order咗炸蘑菇。一坐低當然唔少得上咗個黑糖麵包，百吃不厭，黑糖甜味剛好。上菜好快，沙律，炸蘑菇，小食拼盤同蘑菇湯同時上，有少少食唔切ge感覺。沙律屬正常水準，小食拼盤有豬肋骨，薯條同雞翼，豬肋骨同雞翼比較驚喜，調味剛好，特別係個雞翼，胡椒味重好惹味。炸蘑菇配個酸酸地沙律醬，好開胃。另一驚喜之作係個蘑菇湯，原煲上，忌廉香濃幼滑，蘑菇好足料，夾埋麵包食剛好。35安士牛排極之重量級，店員好好人主動問使唔使幫手同牛排影合照，牛排叫咗5成熟，但比想像中熟，肥膏比想像多，肉質唔錯，如果生返少少應該更好味。四個人食到好飽準備埋單之際，店員突然上返個早已被遺忘ge雞肉芝士夾餅同蕃薯條，質素普通，特別係蕃薯條上灑上糖粉但配蕃茄醬，配搭有些奇怪。跟餐冇飲品同甜品，需要另外嗌，但有7折，個人認為跟餐連基本飲品會更完美。總括而言，食物水準高，服務質素好，期待下次再食!
一坐低當然唔少得上咗個黑糖麵包，百吃不厭，黑糖甜味剛好。上菜好快，沙律，炸蘑菇，小食拼盤同蘑菇湯同時上，有少少食唔切ge感覺。
沙律屬正常水準，小食拼盤有豬肋骨，薯條同雞翼，豬肋骨同雞翼比較驚喜，調味剛好，特別係個雞翼，胡椒味重好惹味。炸蘑菇配個酸酸地沙律醬，好開胃。
另一驚喜之作係個蘑菇湯，原煲上，忌廉香濃幼滑，蘑菇好足料，夾埋麵包食剛好。
35安士牛排極之重量級，店員好好人主動問使唔使幫手同牛排影合照，牛排叫咗5成熟，但比想像中熟，肥膏比想像多，肉質唔錯，如果生返少少應該更好味。
四個人食到好飽準備埋單之際，店員突然上返個早已被遺忘ge雞肉芝士夾餅同蕃薯條，質素普通，特別係蕃薯條上灑上糖粉但配蕃茄醬，配搭有些奇怪。
跟餐冇飲品同甜品，需要另外嗌，但有7折，個人認為跟餐連基本飲品會更完美。
總括而言，食物水準高，服務質素好，期待下次再食!
張貼
