嚐囍煲仔小菜

營業中

休息中

今晚喺中區遊玩完搵野食，見到喺堅尼地城呢間好出名，到左門口已經好多人排隊，結果我一家人等粒幾鐘先有位，由於慕名而嚟，所以點左 2 個煲仔飯 - 排骨同白膳雞飯，2 碟香口野- 炸生蠔同九肚魚，一個湯 - 芥菜咸蛋豬肉湯，仲諗住煲仔飯會有驚喜，點知味道一般，但又未於難食；二碟炸野，就炸生蠔幾好，九肚魚就一般；個湯都 ok. 但總結以呢個米芝蓮等級同等位時間，確實令我一家人失望！相信都唔會再去。至於服務態度一般，但環境要提一提，我經過廚房門口，見到裡面廚師們唔帶口罩，樓面搞外賣阿哥口罩拉到下巴。以上係我親身經歷。