TOSS 蘇媽.蘇媽

營業中

休息中

星期日一家五口有老有嫩嚟食晏，攞飛後雖然只差一個number, 都要等足半個鐘，但四人枱就不斷咁入，有人遲嚟我哋20分鐘都早過我哋入。同職員講我哋有老人家，可唔可以比我哋入先，就算迫4人卡位旁邊再加張凳都冇所謂。職員支吾以對，最後都係搞咗15分鐘先比到枱我哋，仲要係得60分鐘食。坦白講，食物水準唔算差，但內櫳超級狹窄，職員嘅應對同專業態度好有問題。其實以佢哋嘅食物種類，相信大部份人一個鐘之內應該都會食完，完全唔需要講明淨係俾人60分鐘。咁樣做只係顯得佢哋好小器，唔太理食客感受，淨係想搵多啲錢。新城市廣場大把服務態度比佢哋好得多而又價錢合理嘅選擇，絕對唔會再幫襯，亦唔會推介佢哋。