泓・西日料理

營業中

休息中

大圍自從有商場之後，街邊嘅小店相信亦都更加難去營運，所以更加要捐窿捐罅去搵返啲好嘅美食俾大家！✨土佐豆腐底部有濃郁嘅鰹魚湯， 加四大粒嘅豆腐，面頭放上蔥花、薑絲以及木柴魚，充滿着日式風格嘅前菜。✨油甘魚鮫餐廳烤嘅火候拿捏得非常嘅精準，油份充沛嘅魚鮫可以沾上檸檬汁以及蘿蔔蓉，減輕咗油脂滋嘅感覺。✨牛肉湯烏冬超級超級大碗，牛肉片嘅數量都幾多，烏冬嘟嘟湯底唔會太鹹。✨池魚刺身一盤都好多片，比起一般嘅薄切嚟得厚實！魚生新鮮，有用冰鎮住，點上酸汁撈上蘿蔔蓉，更提鮮。✨吞拿魚蓉小卷滿滿的吞拿魚蓉再灑上芝麻嘅香氣，食落夠晒份量，更加配備咗薑片。特別喜歡小卷米飯嘅醋香！