影片
更多
2023-10-14
7 瀏覽
老媽拌麵📍旺角奶路臣街17號THE FOREST2樓204-205號舖終於同到好耐無見嘅日文朋友見面食飯啦！上次見完之後，都有接近半年無見吧。一個港島，一個新界，機乎每次都會約喺旺角見面。因為係THE FOREST行行吓街覺得肚餓，所以我哋就揀咗間我食過一次覺得唔錯嘅餐廳食晚飯。 💰$288大滿足二人套餐 👩🏻❤️👩🏻台式小食拼盤 路邊攤小吃拼盤 🍱今次再食呢個路邊攤小吃拼盤，有兩粒澎湖花枝丸、一條台灣烤香腸同大量豆乳香香雞，味道依舊好食。雞肉炸得好香脆，點埋腐乳食就夠晒惹味！香腸夾埋蒜片一齊食，正宗台味！椒麻手撕雞拌麵 🍜面類主食，愛食辣嘅朋友一坐低已經表示想食mark住有兩條辣椒嘅拌麵。喺牛肉同雞肉之間，佢揀咗後者—手撕雞。麵條當然揀咗主打嘅手工日曬關廟麵，粗身嘅關廟刀削麵口感豐富，亦特別掛汁。朋友好欣賞佢嘅椒麻調味，話近排食得多泰式辣、港式辣，都有一段時間無食川辣，呢種麻麻香香嘅感覺十分過癮，好評！台式三杯雞 (配珍珠米飯) 🐓飯類主食，我揀咗人氣小菜—三杯雞！雞件大大件，每件都帶有濃濃嘅香氣，特別係佢有好多粒蒜頭，香氣四溢！雞件嫩滑味濃，但又唔會過鹹，唔抗拒basil嘅一定會
📍旺角奶路臣街17號THE FOREST2樓204-205號舖
終於同到好耐無見嘅日文朋友見面食飯啦！上次見完之後，都有接近半年無見吧。一個港島，一個新界，機乎每次都會約喺旺角見面。因為係THE FOREST行行吓街覺得肚餓，所以我哋就揀咗間我食過一次覺得唔錯嘅餐廳食晚飯。
[價錢 Price]
💰$288
大滿足二人套餐 👩🏻❤️👩🏻
台式小食拼盤 路邊攤小吃拼盤 🍱
今次再食呢個路邊攤小吃拼盤，有兩粒澎湖花枝丸、一條台灣烤香腸同大量豆乳香香雞，味道依舊好食。雞肉炸得好香脆，點埋腐乳食就夠晒惹味！香腸夾埋蒜片一齊食，正宗台味！
椒麻手撕雞拌麵 🍜
面類主食，愛食辣嘅朋友一坐低已經表示想食mark住有兩條辣椒嘅拌麵。喺牛肉同雞肉之間，佢揀咗後者—手撕雞。麵條當然
揀咗主打嘅手工日曬關廟麵，粗身嘅關廟刀削麵口感豐富，亦特別掛汁。朋友好欣賞佢嘅椒麻調味，話近排食得多泰式辣、港式辣，都有一段時間無食川辣，呢種麻麻香香嘅感覺十分過癮，好評！
台式三杯雞 (配珍珠米飯) 🐓
飯類主食，我揀咗人氣小菜—三杯雞！雞件大大件，每件都帶有濃濃嘅香氣，特別係佢有好多粒蒜頭，香氣四溢！雞件嫩滑味濃，但又唔會過鹹，唔抗拒basil嘅一定會好喜歡，送飯一流！
朱古力醬雪糕 🍫🍨
跟餐甜品我揀咗一球Dreyer’s雲呢拿雪糕，toppings揀咗朱古力醬，唔使額外加錢算唔話得。
花奶鮮草凍 🍮
朋友就揀咗校有台灣風味嘅花奶仙草凍，佢話花奶嘅感覺有少少似奶茶嘅口味，佢非常鍾意仙草凍滑捋捋嘅口感。
金羅漢果海底椰 🥤
小食拼盤嘅炸雞雖然好滋味，但食得多都怕熱氣，朋友就決定叫返杯凍嘅金羅漢果海底椰嚟清清熱，下下火。食物未嚟到，飲品就已經嚟咗，嘢飲非常清爽解膩，朋友覺得無揀錯。
柚子蜜綠茶 🥤
我就揀咗柚子蜜綠茶，比起一般柚子蜜佢無咁甜，綠茶底似手搖嗰種，雖然唔係好飲到綠茶嘅茶味，但就好有台風，都幾得意。
凍飲係唔洗加錢㗎，一個價錢有咁多嘢食，真係好經濟實惠。
張貼
