八海山

營業中

休息中

同朋友尖沙咀行街，佢突然興起話想去居酒屋食下野，見呢間餐廳都開張左好多年，應該都幾有質素先維持到咁耐，於是決定黎食下😄今次落ORDER叫左 薯仔沙律($65)、鮟鱇魚肝($120)、赤目張薄切、帶子牛油燒($100)、燒冬菇($23)、免治雞肉串、雞軟骨串燒($23)、燒雞串($23)、燒大蔥($23)、三文魚茶漬飯($65)、紫菜茶漬飯($65)、八海山清酒300ML($220)呢到環境都幾經典日式風格FEEL，食到咁上下開始都聽到D人用日文傾計，都有唔少日本人幫襯，突然感覺好似去左日本咁😆店鋪都有好多日本酒可以選擇，愛酒人士見到實好開心😍八海山清酒：見枝酒名係同店鋪名一樣，一於叫黎飲下，店員會幫你加入去個器皿到，除左外型靚之外，佢D冰仲要喺中間，所以可以將清酒保持住冰凍而又唔會溶冰時令到味道變淡，好正👍🏻清酒味道都幾香濃下，細細杯，的確適合一邊食一邊品嚐就最佳😉鮟鱇魚肝：入口非常軟滑味道細膩，配以柚子醋嘅青瓜片同蘿蔔蓉黎食，酸酸甜甜幾開胃😄薯仔沙律：簡單嘅一份沙律，薯仔好綿好滑夠美口，下面仲有Ｄ沙律菜都幾爽口清新😃赤目張薄切：聽職員介紹係用上日本空運食材，先可以做到咁新鮮咁有水準🤩