影片
更多
2023-02-13
2096 瀏覽
今日有事要出嚟銅鑼灣，晏晝就喺附近食埋飯先返屋企。醒起之前有朋友推介過時代廣場後街嗰間以車仔麵作招徠嘅「麵檔」，反正時間尚早，應該唔使排隊，即管過去碰下運氣。店舖裝修果然有特色，以懷舊公屋走廊作設計，再配上圓形通花透氣窗、銀白鐵閘、黑膠唱盤、紙皮石和鎢絲燈，每個角落都充滿舊日香港情懷，啱晒打卡一族！餐廳主打車仔麵，餸菜款式非常之多，而且大部分都以傳統土炮為主，實而不華，另外亦有幾款招牌麵飯等供應。點咗個五餸麵 ($60)，振興濃汁貢丸、南乳豬手、酸甜齋、蠔油花菇、鮑汁雞腳配粗麵跟自家製沙嗲醬。湯底味道唔錯，以新鮮豬骨加胡椒粒熬成，絕無添加味精，入口香濃又唔油膩。貢丸超級彈牙，食落非常 Juicy，肉汁很豐富。豬手炆得好入味，南乳香氣滿溢。花菇肉厚爽身、酸甜齋外脆內軟，味道酸而不嗆。雞腳又滑又腍，配上鮑汁，香濃惹味。沙嗲醬以花生碎及磨豉炒成，味道有層次，用嚟配麵食一流！另外仲點咗蒜油生炸雞髀飯 ($57) 同 蠔油時菜 ($18)。雞髀挺大隻，外皮炸至金黃色，熟度掌握得啱啱好，入口帶陣陣蒜油和蔥花香氣，皮脆肉嫩。旁邊隻糖心滷水蛋亦非常高質，蛋黃呈啫喱狀，蛋汁甘香，加上滑嫩嘅蛋白，味道匹配
醒起之前有朋友推介過時代廣場後街嗰間以車仔麵作招徠嘅「麵檔」，反正時間尚早，應該唔使排隊，即管過去碰下運氣。
店舖裝修果然有特色，以懷舊公屋走廊作設計，再配上圓形通花透氣窗、銀白鐵閘、黑膠唱盤、紙皮石和鎢絲燈，每個角落都充滿舊日香港情懷，啱晒打卡一族！
餐廳主打車仔麵，餸菜款式非常之多，而且大部分都以傳統土炮為主，實而不華，另外亦有幾款招牌麵飯等供應。
點咗個五餸麵 ($60)，振興濃汁貢丸、南乳豬手、酸甜齋、蠔油花菇、鮑汁雞腳配粗麵跟自家製沙嗲醬。
湯底味道唔錯，以新鮮豬骨加胡椒粒熬成，絕無添加味精，入口香濃又唔油膩。
貢丸超級彈牙，食落非常 Juicy，肉汁很豐富。豬手炆得好入味，南乳香氣滿溢。
花菇肉厚爽身、酸甜齋外脆內軟，味道酸而不嗆。雞腳又滑又腍，配上鮑汁，香濃惹味。沙嗲醬以花生碎及磨豉炒成，味道有層次，用嚟配麵食一流！
另外仲點咗蒜油生炸雞髀飯 ($57) 同 蠔油時菜 ($18)。雞髀挺大隻，外皮炸至金黃色，熟度掌握得啱啱好，入口帶陣陣蒜油和蔥花香氣，皮脆肉嫩。
旁邊隻糖心滷水蛋亦非常高質，蛋黃呈啫喱狀，蛋汁甘香，加上滑嫩嘅蛋白，味道匹配。
生菜新鮮清甜，蠔油份量十足，食完再嘆返杯凍咖啡 ($15)，一樂也。
張貼
