影片
更多
2022-08-01
223 瀏覽
約左朋友喺筲箕灣食晏，上網搵到形薈地下呢間中華菜館「一家」。餐廳裝潢別緻，由門面以至室內設計都花左唔少心思，霓虹燈掛飾、綠白間條地磚、復古收納木吊櫃，處處都流露住近年大熱嘅地道情懷，啱晒同朋友仔嚟打卡影靚相！餐廳主打中華料理，食物分門別類，除左 Main Course、前菜、麵食、點心及甜品等，另外亦設有一系列自家品牌茶飲，供客人選擇。點了小籠包 ($50) 同 菜肉鍋貼 ($50)，小籠包熱辣辣送上，賣相不俗，皮薄餡靚，夾起不易穿，入口有肉香又唔油膩，而且肉汁封存得好好，湯汁豐盈。菜肉鍋貼同樣有水準，底部煎至金黃酥脆，輕輕咬開，外皮質感煙韌，肉同菜嘅比例亦啱啱好，加上一咬落去啲汁就湧晒出嚟，極之 Juicy！另外呢客糖醋小排骨 ($78) 亦好值得推介，不但肉質腍滑，而且甜酸味道亦甚佳，加上骨肉容易分開，方便進食，一口一粒，甘香惹味。擔擔麵 ($70) 味道亦唔錯，湯底好香醇，帶濃郁花生和麻醬香。麵條軟硬適中，富蛋香又爽滑，配上肉碎、炸菜、芝麻同蔥花，滋味滿分。飲品點左：野蠻奶奶 ($40) 同 可愛細妹 ($34)，兩杯都非常足料，前者其實係充滿港式風味嘅紅豆冰，而後者則係白桃
約左朋友喺筲箕灣食晏，上網搵到形薈地下呢間中華菜館「一家」。
餐廳裝潢別緻，由門面以至室內設計都花左唔少心思，霓虹燈掛飾、綠白間條地磚、復古收納木吊櫃，處處都流露住近年大熱嘅地道情懷，啱晒同朋友仔嚟打卡影靚相！
餐廳主打中華料理，食物分門別類，除左 Main Course、前菜、麵食、點心及甜品等，另外亦設有一系列自家品牌茶飲，供客人選擇。
點了小籠包 ($50) 同 菜肉鍋貼 ($50)，小籠包熱辣辣送上，賣相不俗，皮薄餡靚，夾起不易穿，入口有肉香又唔油膩，而且肉汁封存得好好，湯汁豐盈。
菜肉鍋貼同樣有水準，底部煎至金黃酥脆，輕輕咬開，外皮質感煙韌，肉同菜嘅比例亦啱啱好，加上一咬落去啲汁就湧晒出嚟，極之 Juicy！
另外呢客糖醋小排骨 ($78) 亦好值得推介，不但肉質腍滑，而且甜酸味道亦甚佳，加上骨肉容易分開，方便進食，一口一粒，甘香惹味。
擔擔麵 ($70) 味道亦唔錯，湯底好香醇，帶濃郁花生和麻醬香。麵條軟硬適中，富蛋香又爽滑，配上肉碎、炸菜、芝麻同蔥花，滋味滿分。
飲品點左：野蠻奶奶 ($40) 同 可愛細妹 ($34)，兩杯都非常足料，前者其實係充滿港式風味嘅紅豆冰，而後者則係白桃茉莉茶，入口充滿白桃嘅清甜味，十分清香。
如果唔點特飲，其實餐廳亦有四寶茶供應，內有雪耳、紅棗、杞子和香片，味道溫和順喉，而且最正就係星期一至五午市仲要免收茶錢。
一場嚟到，當然要食埋甜品先走，點左客缸鴨狗玫瑰桂花湯丸 ($45) 湯丸皮薄彈牙，芝麻餡流心香滑，咬一小口，餡料便即時洶湧流出，吃時更有雙唇在浸玫瑰花浴嘅感覺，非常美味！
張貼
