影片
更多
2021-01-22
829 瀏覽
上星期日天朗氣清，為避開人潮，一大早和朋友由粉嶺站坐的士去了粉嶺流水響，嘆完個靚影，肚仔就餓啦！聽聞粉嶺聯和墟係一處尋美食的寶地，於是我地就出發去。因為太耐冇食過日本野，就且朋友講好想食，所以就搵下聯和墟有冇日本菜。一Search, 發現有間大統領，睇食評仲好似幾唔錯，於是就二話不說，前往出發。到店當日雖然生意繁忙但安排周到在門口等了不到2分鐘便安排入座。一入內，室內環境燈光暈黃，非常柔和，各式各項擺設令自己好似去了日本居酒屋一樣，一個字正！睇著個餐牌，嘩！終於明白咩叫花多眼亂，又想食和風牛肉丼、又想食鹽岩燒青魚定食(下刪一百字)，睇到口水都流。侍應見我地滿面疑惑，推介可以試下大統領魚生丼，起初我對海膽有疑惑，因為唔知鮮唔鮮甜，但都嘗試相信下佢地。而2位隨行朋友，其中一位都點魚生丼，另一位就點左火炙左口邊鰻魚丼。侍應先上前菜，果片哈密瓜好新鮮爽甜，一讚。醬油有子薑同新鮮磨出黎既山葵，唔係一Pat 醬係真心有誠意喎。等多一陣，上埋麵豉湯，其實對麵豉湯無咩期望，最難飲莫過於幾年前係元x食果次，不過當我用筷子一攪裡面的湯渣，發現有隻帶殼既蜆仔響裡面！呢樣細節係好少有平民店特登去做，實在有點心
到店當日雖然生意繁忙但安排周到在門口等了不到2分鐘便安排入座。一入內，室內環境燈光暈黃，非常柔和，各式各項擺設令自己好似去了日本居酒屋一樣，一個字正！
睇著個餐牌，嘩！終於明白咩叫花多眼亂，又想食和風牛肉丼、又想食鹽岩燒青魚定食(下刪一百字)，睇到口水都流。
侍應見我地滿面疑惑，推介可以試下大統領魚生丼，起初我對海膽有疑惑，因為唔知鮮唔鮮甜，但都嘗試相信下佢地。而2位隨行朋友，其中一位都點魚生丼，另一位就點左火炙左口邊鰻魚丼。
侍應先上前菜，果片哈密瓜好新鮮爽甜，一讚。醬油有子薑同新鮮磨出黎既山葵，唔係一Pat 醬係真心有誠意喎。
等多一陣，上埋麵豉湯，其實對麵豉湯無咩期望，最難飲莫過於幾年前係元x食果次，不過當我用筷子一攪裡面的湯渣，發現有隻帶殼既蜆仔響裡面！呢樣細節係好少有平民店特登去做，實在有點心思，一飲，嘩，係鮮甜呀😍😍！唔係一陣鹹味，搞到未上主食已經開始對個魚生丼有點期待了。
大統領魚生丼一上枱果然靚。有大大隻牡丹蝦、海膽、三文魚籽、蔥吞拿魚腩蓉、三文魚等。隻蝦極度鮮甜，令我夠膽啜佢個蝦頭。魚生吞拿魚及油甘魚肉質鮮嫩、色水光鮮，配以師傅的純熟刀功，其厚切口感加乘，反映小店絕不吝嗇。 每口都有驚喜下，發現那海膽的肥美、厚身、鮮甜、爽口是多麼的令我讚嘆！這一碗大統領魚生丼絕對可為此舖省靚招牌！
偷食埋朋友果碗鰻魚丼入面其中一塊左口魚，入口即溶，魚香回甘，真心正，但鰻魚就冇試，聽朋友講啖啖肉，鰻魚汁調味恰到好處！
由於好耐冇同朋友聚，會打下牙骹，侍應唔單止冇催，仲2次幫我加茶水，不過我地都識做，唔想阻住佢地接生意，限聚令搵食艱難嘛！
就咁就完左滿足我食日本菜既一個lunch，開心心！
張貼
