蘭香麵家

營業中

休息中

好耐之前已經想試呢間麵店，但因為位置比較偏僻，所以唔係成日有機會食，今次咁啱去TST，諗起呢間店，終於都可以一償心願。一入到去，只有兩三枱人，環境比較清靜，所以特別舒適。我點了牆上雜誌推介o既黑栢葉拼雞腸麵$23，姐姐則點了黑栢葉拼豬軟骨米線$23。份量真係幾多，尢其係d料，比起一般o既麵店多，而且好少麵店會有雞腸食。d雞腸好新鮮好爽，咬落去o既口感好特別，點埋d秘製豉油，真係好好食。至於黑栢葉，我不嬲都鍾意食，佢又切得比較幼，口感好好。試了姐姐俾o既豬軟骨，又大件又腍，味道又濃，不俗。阿姐幾好人，價錢又實惠，地方清靜，o係TST都幾難搵，如果有套餐更好。下次一定會再o黎食。