蘭香麵家

平時食開中環三多嘅鵝腸麵，尖沙咀蘭香嘅雞腸聽就聽得多但一路都未試過。今次終於有機會食到了！蘭香麵家成個 setting 滿滿嘅懷舊感，手寫餐牌都好有感覺~雖然位於尖沙咀，但唔算係遊客店，唔算好多人，而且主打都係local比較多感覺上雞腸口感更加爽身，洗得好徹底無乜脂肪喺入面，不過味道相對就無鵝腸咁濃同甘香 🤔 個豉油同辣椒油都好味，點完味道更昇華無論係雞腸同葱絲嘅份量一樣好慷慨， $47 喺尖沙咀嚟講係好平~ 佢哋嘅油菜都幾特別，除咗一般嘅蠔油腩汁之外仲可以加豬軟骨汁~呢度仲有黑柏葉麵，下次會想試埋呢款~…查看更多

鍾意食牛柏葉嘅我，間中都會來，呢間蘭香麵家嘅牛柏葉麵真係好正！牛柏葉爽口彈牙，處理得乾淨冇異味，咬落充滿嚼勁。麵條掛湯力強，湯底鮮甜濃郁，麵質亦夠煙韌。份量足，性價比高，係食麵嘅唔錯選擇！…查看更多

▫️蘭香麵家茶餐廳▫️🍜 鮮雞腸麵 （$47）豬腸鵝腸就聽得多，雞腸有冇食過呢？唔好睇佢好似好嘔心，實際上好好味！雞腸比鵝腸薄身，經過不停啤水同清潔之後，幾乎冇異味同脂肪，入口係非常之爽口，口感好難同任何一樣食物相比。豉油係獨家秘方，特別用藥材煮咗幾個鐘，甜得來帶香。而湯底係甘甜嘅清雞湯，本人係清底咁滯。差唔多個個入嚟嘅客人都會叫雞腸，你就知道呢度啲雞腸幾好味，係呢一間店嘅招牌！🚪尖沙咀柯士甸路15號地舖…查看更多

剛剛搬了家，收工後可以步行回家。今天收工時間較夜，但又想吃一點宵夜，路過韓國街後見到蘭香麵家，印象中e間麵家係老字號，於是就行入去試試啦！入到去見到佢招牌係黑柏葉麵同埋雞腸麵，最後我就點左碗雞腸麵。咁碗雞腸麵好快就到了，首先就立即試試條雞腸先，雞腸係非常彈牙同埋入味的，而且份量非常之多，跟住就試試湯底，湯底係大地魚味道，而麵質都非常彈牙，味道真的是不錯的，最後所有麵連湯都清晒就回家了，下次會試試黑柏葉麵的。…查看更多

呢間老牌粉麵店喺尖沙咀二十幾年，獲唔少明星例如譚校民及許冠傑幫襯過，呢度出名鮮雞腸及黑牛柏葉，因為除貨源少外，處理步驟亦非常複雜，雞腸是沖水超過六小時除味，再以人手去脂肪再焯至剛熟，所以非常爽脆，口味似鵝腸，配埋辣豉油立刻提鮮😍😍個黑牛柏葉睇落唔靚黑色因為無漂過，其實仲好，但無影響味道，都似非常爽脆，第一次食就已經驚為天人，之後就介紹朋友黎食呢度無咩裝修，平民麵家格局，黎係食食物原味通，單拼麵$47，比2012年$28蚊嘅雞腸麵貴咗七成，雙拼麵$55，淨鮮雞腸/黑牛柏葉就$97，只嘆物價升幅比工資快🫣…查看更多