麺屋こころ

營業中

休息中

朋友推薦我去試一間日式撈麵店，話係過江龍，全港都有好多分店。我本來以為類似沾麵，結果一試之下，發現簡直比沾麵更精彩。我叫咗碗明太子忌廉撈麵，一碗自家製嘅煙韌麵條，配以炆得好腍嘅叉燒、肉鬆、海苔同明太子，再加上溫泉蛋，撈埋一齊食，風味十足。麵條煙韌之餘，仲帶有陣陣麥香，夾埋咸咸辣辣嘅明太子，好掛汁，每啖都忍唔住追住食！最得意係每一碗麵都有「最佳食法」介紹，呢種儀式感令用餐體驗更滿足。另外，我仲試咗杯崗山烏龍茶，茶香四溢，味道清純，平衡咗食物嘅濃郁味。呢間麵店真係值得再嚟，下次一定要試其他出品。😊