麺屋こころ

營業中

休息中

元朗麵屋最近成為我嘅新寵！今次試咗佢哋嘅招牌「正宗全料東京撈麵」，一上枱就俾個份量嚇親，滿滿嘅配料鋪滿成個碗，睇見都流口水。自家製撈麵底夠彈牙，掛汁能力一流。最正係佢哋嘅豬腩肉，肥瘦適中，入口即化，配上生蛋黃撈勻之後，成個麵嘅口感即刻昇華。辣肉碎唔算好辣，但香氣十足，同埋啲脆脆嘅竹筍好夾。溏心蛋煮得剛剛好，蛋黃流心嘅程度簡直完美！紫菜同蔥花韭菜加埋一齊，帶出清新嘅味道，仲有啲生蒜同魚子提鮮，每一啖都係享受。飲品方面試咗紫薯拿鐵，顏色好靚，紫薯味濃郁得嚟又唔會太甜，飲落好順滑，同撈麵出奇地夾。整體嚟講，呢個全料東京撈麵真係好足料，一碗落肚超級滿足，絕對值得再encore！百零蚊有咁豐富嘅一碗麵，性價比幾高。

最近發現咗元朗形點有間隱世拉麵店「麵屋」，啲拉麵真係好有驚喜！我本身係味噌控，所以一嚟就試咗佢哋嘅豆乳白味噌拉麵，嘩！個湯底超級濃郁，豆乳嘅香滑同白味噌嘅鹹香mix埋一齊，簡直係絕配！仲有啲油揚(炸豆腐皮)，索晒啲湯汁，好好味！另外，佢哋嘅正宗全料東京撈麵都好正，啲配料勁豐富，撈埋啲醬汁，酸酸甜甜好開胃。鍾意食小食嘅朋友仔，一定要試佢哋嘅牛油醬油枝豆，牛油香氣撲鼻，枝豆又夠入味，忍唔住一啖接一啖！佢哋嘅餃子都好有特色，鳥軟骨餃子同雞皮餃子都好脆卜卜，而且餡料好足，食落去好juicy。

今次專登去試「肉之地獄」—山椒胡麻冷撈麵，一食就知係夏天救星！ 首先，個賣相已經贏晒，滿滿的肉，撈勻之後每條麵都掛住濃郁嘅芝麻香，入口又滑又彈牙！山椒嘅微辣同胡麻嘅甘香完美配合，初頭係芝麻嘅醇厚，跟住山椒嘅辛香慢慢滲出，越食越上癮！🌶️💦 配料都唔馬虎，有紫菜同溫泉蛋，撈埋一齊食，口感層次超豐富！尤其係隻蛋黃撈勻之後，成個醬汁更加creamy，但完全唔會膩，反而更加開胃！🥒🍳至於個野菜盛，有齊多款新鮮蔬菜，爽脆嘅蓮藕、南瓜同蕃薯，配埋個冷麵一齊食，balance得啱啱好！

今日晏咗食lunch, 去到唔洗排隊，但都多人食。第一次食日本過江龍嘅台式撈麵。叫咗個近期喺日本比較多人食嘅芝士撈麵同綠茶梳打。粗麵，彈牙，芝士味道唔係好濃，質地拉到絲，撈埋有少少辣嘅汁同肉碎，幾好食，下次再去想試吓佢招牌果款撈麵😊綠茶梳打正常，微甜。因為今日著白色tee, 有位男店員好好人，話怕我撈麵時會彈到件衫，所以拎咗條圍巾俾我，非常貼心服務，讚👍🏻

最近一次喺元朗覓食😙，我品嚐到了砂鍋濃厚咖哩麵和溶岩芝士撈麵，兩道菜都讓我驚艷不已。砂鍋濃厚咖哩麵的湯頭濃郁，咖哩的香氣撲鼻而來，讓人一口接著一口。麵條彈牙，吸附了濃厚的湯汁，每一口都充滿了滿足感。搭配新鮮的蔬菜和嫩滑的肉類，讓這道菜的口感層次更加豐富，讓人欲罷不能。而溶岩芝士撈麵則是一場味覺的盛宴。溶岩般融化的芝士在麵條上形成一層美妙的覆蓋，讓人垂涎欲滴。每一口都能感受到芝士的濃郁與麵條的Q彈，搭配特製的醬汁，讓這道菜的風味更加出眾。總的來說，這兩道麵食不僅口感絕佳，還展現了廚師的用心與創意, 下次要encore

之前聽朋友講過呢間拉麵店係日本好出名。前排同男朋友係yoho行街見到，決定入去醫下肚，果然係人氣店🤩🤩雞白湯拉麵雞湯熬製成奶白色，味道好濃郁順口🤩🤩。雞肉唔會乾韌、叉燒又軟軟嫰嫰、仲有我好中意既溏心蛋。最後忍唔住飲哂啲湯，滿滿既骨膠原。叉燒豆乳白味噌拉麵呢個配搭估5到咁夾，味道溫和醇厚又帶點甜味。豆乳同白味噌都好香。叉燒份量都幾多，性價比高！總括，兩款麵都好味🤩🤩yummy！下次再黎食先

裝修簡約時尚，以白色為主調，配以木質元素。餐廳採用明亮嘅燈光同開揚嘅座位設計，氣氛輕鬆舒適，適合一家大細或者朋友小聚。餐桌上精緻嘅調味品同埋使用指南，展現咗餐廳對細節嘅重視。📍明太子忌廉撈麵明太子忌廉撈麵賣相十足，金黃嘅蛋黃配搭住啲朱紅色辣絲，再加上鮮綠嘅蔥花同香濃嘅海苔，色彩層次豐富到爆！第一啖落口，啲忌廉醬香滑得嚟又唔會太漏，明太子鹹香惹味，同自家製麵條混埋一齊，簡直係絕配！叉燒片厚身彈牙，入味十足。尤其係個蛋黃半熟狀態，拌埋啲麵，令成碗嘢更加濕潤，食到停唔到口！👅📍鳥軟骨餃子 外皮酥脆到爆，一咬即發出「卡嚓」聲，內餡係細細粒嘅雞軟骨同肉餡，口感鮮明又特別，有脆有嫩。個餡料調味到位，香辣惹味，仲帶有淡淡嘅蒜香。炸得恰到好處，唔會過油膩，反而令人越食越上癮！簡單嘅外表下藏住驚喜嘅口感，每一件都有住香口脆卜嘅魔力，絕對係搭配麵食嘅完美小食！💯餐廳提供嘅調味料組合好細心！😊 辣椒醬香辣過癮，芝麻油清香四溢，仲有特製嘅蒜蓉醬，全部都係提升麵食層次嘅好幫手。🔹🔹🔹🔹🔹🔹🔹🔹🔹🔹#麺屋元朗朗樂路1號元點1樓B101-B102號舖🔸🔸🔸🔸🔸🔸🔸🔸🔸🔸

🍊 餐廳名稱：麺屋こころ(元朗)🐝 💰人均：$100———————————————————餐廳在2013年東京創立，成立1年便榮獲全日本最佳撈麵大獎！同時連續多年奪日本外賣撈麵品牌No.1殊榮～吹捧到咁大，小編已經認唔住要去食！肉之地獄-山椒胡麻冷撈麵 💰山椒香味很濃郁，麵條如佢地聲稱一樣彈牙！冷撈令到麵條更加爽口，清涼。而山椒同胡麻嘅味道搭配好出色，辣得來又帶住麻香味。另外仲有一片片嘅叉燒，十分滿足！🗺️ 元朗朗樂路1號元點1樓B101-B102號舖Shop B101-B102, 1/F, YOHO MIX, 1 Long Lok Road🚇 港鐵元朗站 C 出口, 步行約5分鐘

來到麺屋こころKOKORO，特別推介以下三道料理：🙌🏼 1. 豆乳白味噌拉麵-油揚這碗拉麵顛覆傳統味噌湯底的濃重印象，KOKORO以豆乳調和白味噌的醇厚，入口綿滑，湯頭亦帶有淡淡豆香，與炸豆腐的酥脆外皮形成反差。拉麵麵條選用中粗直面，彈性恰到好處，掛湯能力非常高，可以將整碗拉麵湯飲乾。🙌🏼 2. 原味東京撈麵作為無湯撈麵，KOKORO特別推薦分階段的食法，首先將蛋黃撈上麵條和紫菜，先享受原汁原味。之後可以再加入黑胡椒及特製香醋的吃法，最後可以問店員要一份白飯吸收醬汁，非常非常滿足。🙌🏼 3. 鳥軟骨餃子KOKORO將雞軟骨揉入餃子，外皮煎至金黃薄脆，內餡飽滿多汁。軟骨碎充滿咬口感 ，愈食愈上癮。

今日心血來潮，專程去光顧，早就聽聞呢度有唔少令人食指大動嘅日式美食，等我即刻去試試水😜豆乳白味噌拉麵 - 油揚🥢拉麵一上枱，陣陣濃郁嘅豆乳同白味噌混合嘅香氣就直鑽鼻腔。細細打量，麵條粗細適中，看起來就好有彈性。湯底呈現出誘人嘅乳白色，啜一啖，哇😲！豆乳嘅醇厚香甜同白味噌嘅鮮美完美融合，濃郁得嚟又十分清爽，完全唔會膩口。再咬一口油揚，吸收咗豐富湯汁嘅油揚，口感軟綿,麵條爽滑彈牙，掛滿咗濃郁湯汁，一啖麵一啖湯，真係好滿足😍牛油醬油枝豆🌱呢個搭配真係好有新意！枝豆新鮮翠綠，入口爽脆。牛油嘅香滑加上醬油嘅鹹香，為枝豆增添咗一層獨特嘅風味。每一粒枝豆都均勻地裹上咗牛油醬油一碟眨眼間就清光光啦😃草莓抹茶🍓🍵真係令我大為驚喜。草莓新鮮多汁，酸甜可口，為整個甜品帶來清新嘅果香。抹茶嘅味道濃郁醇厚，微苦中帶著回甘，口感細膩。草莓同抹茶嘅搭配簡直係天作之合，一甜一苦，互相襯托，味道平衡得恰到好處。

今日去咗元朗一間叫「麺屋こころ」嘅餐廳食午餐，平日下午一個人為求快靚正，就揀咗呢一間日本過江龍嘅餐廳，餐廳環境乾淨企理，裝修簡潔光猛。🍊 叉燒撈麵呢個日式撈麵除咗有兩片厚切叉燒之外，仲有大量配料例如紫菜、青蔥、洋蔥、肉碎同生雞蛋，攪拌之後一齊食可以為撈麵增添香味同口感；麵條口感煙靭，識落有嚼勁，會唔會煮得太腍身；厚切叉燒脂肪層同肉質相間，日式醬油味道入味🍊 牛油醬油枝豆日本菜我最鍾意食枝豆做前菜，豆類含有豐富嘅蛋白質，用牛油醬油去整枝豆比起普通用鹽會更為惹味，食落味道更香🍊 熱抹茶拿鐵帶有淡淡嘅抹茶味道，味道唔算苦澀或太甜，拿鐵口感幼滑📍 元朗朗樂路1號元點1樓B101-B102號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊

麺屋こころ 👣 值得科勞指數：🏃🏻‍♀🏃🏻🏃🏻🏃🏻🏃🏻元朗好多好野食，最近發現呢間麺屋こころ 主打日式撈麵同拉麵，湯底選擇多，口味濃淡都照顧到唔同食客需要。環境簡約舒服，適合慢慢歎碗麵。 🍜 今日點咗：🥤 熱焙茶拿鐵 & 熱抹茶拿鐵– 焙茶拿鐵茶味香濃，有淡淡炭焙香，口感順滑。抹茶拿鐵茶味夠濃，鍾意抹茶嘅朋友一定會鍾意！ 🥟 雞皮餃子~~呢款小食真係好正！外層係炸得香脆嘅雞皮，內餡多汁唔乾，食落口感層次豐富～🍜 豆乳白味噌拉麵 ~湯底係白味噌加豆乳，味道帶點甘香同豆香，飲落好順口，拉麵軟硬適中，幾岩口味。🍝 明太子忌廉撈麵– 明太子本身鹹香十足，加埋忌廉醬底更加香濃幼滑，再加埋生蛋黃及兩塊日式叉燒，麵條索滿醬汁，每啖都夠味，味道有層次，鍾意濃味嘅朋友推介呢款！ 🍠野菜～ 拉麵配上野菜，有蓮藕片，南瓜，紫薯，野菜既甜中和食拉麵既濃味。價錢合理，食物有水準，位置方便，可以一試👍👍📍元朗朗樂路1號元點1樓B101-B102號舖

元朗嘅朋友有福啦！今日終於有時間去試吓呢間日本直送嘅人氣拉麵店。店內裝修走簡約日式風，乾淨企理，位又夠闊落，坐得幾舒服。 作為豆乳控，我二話不說就叫咗佢哋嘅招牌，一上枱，個奶白色湯底已經勁吸睛！飲第一啖湯，即刻俾個濃郁豆乳香震撼到，跟住味噌嘅鹹鮮味慢慢滲出嚟，兩種味道夾到絕，又特別又和諧，啲麵都煮得啱啱好，粗身又有咬口，掛湯能力一流。 野菜都好驚喜係，炸得香脆又唔油膩，調味簡單反而帶出蔬菜本身嘅清甜。最正係，雖然個湯底好濃郁，但食完完全唔會覺得膩，反而有種清爽感。成碗拉麵由湯底到配料都睇得出師傅嘅心思，師傅連麵條硬度同野菜處理呢啲細節都一絲不苟，拉麵迷真係值得專程入元朗試吓！

聽講佢哋嘅拉麵同埋其他日式料理都好有特色😋。一入到去，餐廳嘅裝修充滿日式風格，暖黃色嘅燈光同埋白色風格嘅裝潢，令人感覺好舒適。​原味東京撈麵🥢麵條彈牙有咬口，口感一流👍。湯底濃郁得嚟又唔會過於油膩，充滿住雞骨同豚骨熬製出嚟嘅香味。配上蔥花同海苔，味道更加豐富。​肉之地獄 - 山椒胡麻冷撈麵🌶呢個麵一上枱，已經聞到陣陣嘅山椒香味。麵條一樣彈牙，冷撈嘅做法令到麵條更加爽口。山椒同胡麻嘅味道搭配得相得益彰，辣辣哋又帶住一陣芝麻香，再加上一片片嘅叉燒，真係好食到停唔到口😜飲品方面，叫咗熱抹茶拿鐵☕同日本麥茶🍵熱抹茶拿鐵嘅抹茶味好濃郁，入口綿滑，甜度亦都控制得啱啱好，好適合鍾意抹茶嘅朋友。而日本麥茶就好清爽，充滿住麥香，好解膩。​味道都好正宗，無論你係鍾意食拉麵定其他日式料理，都唔會失望😃

上星期特登行過新商場入去試吓，真係唔係講笑，係我人生之中食過最難食嘅起碼top 5。真係唔明點解可以咁難食？叫咗個叉燒飯，啲飯係凍，隻蛋冇味，跟住加一大pat亁紫菜，又乾又難啃，叉燒由meun嘅兩大塊變成碎上，最大0.5cm咁大舊⋯ 唔講以為自己叫咗滷肉飯。另外叫咗個芝士撈麵，啲芝士可以係完全冇味!? 仲要話係招牌菜⋯ 真心難食，唔明點解有人會覺得好食? 我哋食兩啖都頂唔順。唔係講笑，請我都唔會再去。