喜來稀肉 (登龍街)

營業中

休息中

呢排天氣有啲涼，最啱就係食烤肉，又令我諗起呢間超好食嘅烤肉店，每次食都唔會失望。前菜當然係任食，本身我都唔食辣，但係呢度嘅泡菜實在太好味，令到平時唔食辣野嘅我都食上癮，醃製蘿蔔唔會好酸，仲甜甜地。今次就叫咗辣護心肉，份量啱啱好夠我同我朋友食，佢醃肉嘅汁好夠濃，但濃得來又唔會蓋過肉嘅鮮味。肉亦都好夠林，仲有少少脂肪，啱晒用來做烤肉。最後仲叫咗嫩豆腐湯，韓國嘅食法就當然係加埋白飯，一啖湯一啖飯咁食。兩個人叫兩樣嘢食就已經夠晒飽！