影片
更多
2019-05-16
50 瀏覽
復活節長假無旅行去已經好慘，又點可以唔搵啲好嘢食慰勞自己呢😏因為想早啲入去YOHO MALL行下街，之後先發現原來等的士🚕係幾咁絕望，足足等左大半個鐘先有車，好在只係短短5分鐘嘅車程就到咗高埔村。雖然裏面都有幾間食肆，但崟嘅日系設計令人一眼就望到佢🎪已經餓到打晒鼓🥁有鮑魚餐有龍蝦餐，我同男友不約而同都想試佢嘅特上活伊勢海老鐵板燒🦞前菜☘️有冰菜同螺肉粒，d菜好新鮮配上酸酸甜甜日式醬汁，好refresh, 我個胃已經被叫醒😂廚師逐一介紹今日為我地準備嘅食材，見到咁大隻龍蝦，隱約見到佢啲手腳仲郁緊嫁🤙🏻好新鮮。介紹完就開始睇廚師大顯身手喇🤹🏻♂️日本響螺: 除咗食材新鮮，仲好考驗師傅嘅功力，見住師傅用極快嘅刀功將螺肉切成薄片，將整個螺一面轉一面片，做出又薄又大片嘅螺肉，唔好睇小呢個過程啊，因為咁樣先至可以食到最佳嘅口感😋北海道帆立貝: 新鮮紫菜湯，仲有三文魚籽舖面，賣相精緻之餘完全唔會腥，食得岀鮮味，帆立貝火喉控制亦都無得彈，肉厚肥美、鮮甜無比🤭白甘鯛: 甘鯛原來係一種可以帶魚鱗食嘅魚種黎，師傅話要係淋油後連魚鱗帶著魚肉一齊慢烤至熟透。賣相亦都好特別，魚鱗層層交疊猶如蜂巢一樣咬落非常酥脆，與
已經餓到打晒鼓🥁有鮑魚餐有龍蝦餐，我同男友不約而同都想試佢嘅特上活伊勢海老鐵板燒🦞
前菜☘️
有冰菜同螺肉粒，d菜好新鮮配上酸酸甜甜日式醬汁，好refresh, 我個胃已經被叫醒😂廚師逐一介紹今日為我地準備嘅食材，
見到咁大隻龍蝦，隱約見到佢啲手腳仲郁緊嫁🤙🏻好新鮮。介紹完就開始睇廚師大顯身手喇🤹🏻♂️日本響螺:
除咗食材新鮮，仲好考驗師傅嘅功力，見住師傅用極快嘅刀功將螺肉切成薄片，將整個螺一面轉一面片，做出又薄又大片嘅螺肉，唔好睇小呢個過程啊，因為咁樣先至可以食到最佳嘅口感😋北海道帆立貝:
新鮮紫菜湯，仲有三文魚籽舖面，賣相精緻之餘完全唔會腥，食得岀鮮味，帆立貝火喉控制亦都無得彈，肉厚肥美、鮮甜無比🤭白甘鯛:
甘鯛原來係一種可以帶魚鱗食嘅魚種黎，師傅話要係淋油後連魚鱗帶著魚肉一齊慢烤至熟透。賣相亦都好特別，魚鱗層層交疊猶如蜂巢一樣咬落非常酥脆，與魚肉嘅軟嫩形成強烈對比。醬汁原來亦大有來頭，係師傅特別調製嘅枝豆松露醬，大愛呢道菜🥰接住落黎，又點可以唔提我哋嘅主角🦞龍蝦呢！
曾經去過伊勢住過一晚，當地因為近海，所以海產即撈即食異常鮮甜美味。將蝦膏連北海道海膽一齊煮，令本應雪白晶瑩嘅龍蝦肉頓時沾滿啡黃色的海膽汁，口感與味道味道更為香濃味美，蝦肉新鮮咬落質感爽彈。
吃過龍蝦，侍應為我地奉上青檸啫喱，正好清清味蕾，以迎接下一道菜😏
原來係準備食A5鹿兒島野崎和牛厚切🥩，
呢塊A5和牛油脂分布均勻，師傅輕輕煎至五成熟，只係加少少岩鹽調味，切成粒狀，已經令人一啖一滿足😈其實未食和牛已經飽飽地，不過要特別介紹兩樣看似唔起眼但原來好好味嘅菜式🤙🏻
你以為係一件普通嘅蜜糖多士？
你以為係一碗普通嘅味增湯？
原來前者係呢到嘅得意招牌菜之一，咬落似脆版嘅西多士，邪惡但好好味🤭而後者就係用咗15斤𨋢魚只夠煲50小碗，再加薑、豆腐煲成嘅湯，真材實料，趁熱飲啦🙌🏻我已經宣佈投降，所以最後只係叫廚師煮一碗香蔥櫻花蝦炒飯比男朋友就very good enough了😸偷偷地試咗一啖，飯粒炒得乾身，調味亦都適中唔會太咸，very骨呀！
甜品我地揀咗柚子同綠茶味雪糕🍦
個人比較鍾意食柚子味，綠茶略嫌太重奶味，我自己鍾意濃茶味多啲🤞🏻食好西總係有100個理由說服自己，但今次真係完全冇後悔山長水遠入嚟元朗搵食，不論是備料、刀章及火喉拿捏都值得我下次再Encore💫
張貼
