濟州燒肉食堂

營業中

休息中

濟洲食堂食燒肉唔一定去尖沙咀旺角銅鑼灣。今日森仔放工想近近地食燒肉，德福真係超方便。舖頭連接住food court，想少人簡單食吓韓國main course 可以食food court。食韓燒個邊好開揚，食完個身又唔會好大浸味，有不同類型嘅卡位，亦有唔驚成班人傾唔到偈嘅圓形卡位，人多人少都好適合嚟食韓燒，坐得又舒服。一坐低職員就即刻上小食同幫我地係爐邊落芝士粟米and泡菜蛋漿，小食有蘿蔔蕃茄仔泡菜同沙律，除咗沙律之外，其他都可以任添，只是芝士粟米同泡菜蛋漿真係好正，我同女朋友不斷encore。呢度上菜速度極快，無論係上肉抑或石鍋飯 都係超快上枱。我哋嗌咗大八爪魚、食堂韓牛拼盤、濟洲豪快黑毛豬五花肉。呢度嘅職員好好 見到我哋手忙腳亂唔識處理八爪魚，都會主動幫我哋剪同燒。八爪魚肥美大隻多肉，醃好嘅八爪魚甜辣適中亦不失八爪魚嘅香味，肉質口感柔軟彈牙，爪彈牙有咬感。食堂韓牛拼盤😍😍是日森仔最愛嘅梗係出名牛味特濃，油脂分布極佳嘅韓牛🐮拼盤有1️⃣和牛肩里肉2️⃣牛小排以及3️⃣牛肋骨各半份😜滿足晒鍾意食唔同部位嘅森仔。而每種都各有特色，牛味比較濃嘅和牛肩里肉😍😍亦較為嫩滑🙌🏻而牛小排較有口感，油脂分佈也極佳