東京街日本料理 (西洋菜南街)

營業中

休息中

今天上完日文堂後, 經同學介紹來到一間係太子站附近既日本餐廳-東京街. 見餐廳名熟口熟面, 原來之前都有係同一條街買過佢地既外賣店, 印象中食物質素和性價比都好高! 一入到餐廳, 老闆好客地招待我們, 同佢傾開原來係外賣店做了一段, 儲了一批熟客街坊, 建議他們開餐廳, 所以就有了這間鋪! 我們點了沙律,刺身, 壽司,炸蠔和清酒煮蜆. 刺身拼盤好大份,好新鮮,仲有乾冰伴碟,就算慢慢食都不怕溫度變暖, 非常適合我依種鐘意每碟逐一食一啖既朋友! 壽司方面, 刺身蝦和燒蝦壽司各有各風味, 而本人覺得最好食既係芝士燒帶子和芝士燒三文魚腩壽司! 佢既做法並唔係一般就噤放塊芝士上去噤簡單! 而係將芝士醬放上食材上面一起燒,從而有半溶既效果!!! 一啖咬落去, 熱辣辣既半溶芝士加上食材係口中溶化既感覺,非常滿足! 係宜家打既時候都想即刻再食! 當然我地個晚就算食到好飽都好, 都再次encore依種特色壽司. 本人斗膽幫佢起名為-火灸芝士溶岩三文魚壽司)