影片
更多
2025-03-07
0 瀏覽
今次食「世味人生」Degustation Menu，菜色整體上都相當有水準。開頭嘅蘭花貴人茶，烏龍香氣優雅，人參回甘，簡單而不失品味，係唔錯嘅開端。慢煮泡椒蟶子皇做得相當好，泡椒唔係過份強烈，帶出蟶子皇本身嘅鮮甜，豉油珍珠亦提供咗額外口感同味道。至於草莓醬淮山，番茄甜而不膩，滿滿嘅幸福感，草莓醬淮山亦有一種清新的感覺，薄薄一片嘅萵筍，包住淮山蓉，再由草莓醬點綴。仲有香辣凍花甲，芫茜香味恰到好處。金腿雪燕甜豆芙蓉羹，清淡而帶層次，綠豆唔太青，配合蛋白與金華火腿粉，令味道相當均衡，湯羹令人回味。再嚟係脆皮海參同鵝掌，竹炭粉炸出來嘅海參同佢特製嘅醬汁真係一絕，鵝掌亦同樣入味，值得推介。珍寶珠sorbet係一個輕鬆中場休息，人參蜜糖夠味，桃膠則喺口腔留有少許甜味，係一個清新的小點。脆磷馬友魚煎得啱啱好，魚肉鮮嫩，炸魚鱗帶出豐富口感，配以獨特蔬菜醬更是畫龍點睛。單講味道，茅台鮮蠔屈雞煲已經值得一讚，茅台嘅醬香豐滿，將嫩滑鮮雞同無渣台山蠔完美結合，又滑又鮮又creamy，配菜都入晒味。尾聲嘅花膠甘栗珍菌炆飯，用料唔錯，各種珍菌，包括羊肚菌味道濃郁，汁濃香，飯仍然粒粒分明，又有米香，值得回味。最後嚟
開頭嘅蘭花貴人茶，烏龍香氣優雅，人參回甘，簡單而不失品味，係唔錯嘅開端。
慢煮泡椒蟶子皇做得相當好，泡椒唔係過份強烈，帶出蟶子皇本身嘅鮮甜，豉油珍珠亦提供咗額外口感同味道。
至於草莓醬淮山，番茄甜而不膩，滿滿嘅幸福感，草莓醬淮山亦有一種清新的感覺，薄薄一片嘅萵筍，包住淮山蓉，再由草莓醬點綴。仲有香辣凍花甲，芫茜香味恰到好處。
金腿雪燕甜豆芙蓉羹，清淡而帶層次，綠豆唔太青，配合蛋白與金華火腿粉，令味道相當均衡，湯羹令人回味。
再嚟係脆皮海參同鵝掌，竹炭粉炸出來嘅海參同佢特製嘅醬汁真係一絕，鵝掌亦同樣入味，值得推介。
珍寶珠sorbet係一個輕鬆中場休息，人參蜜糖夠味，桃膠則喺口腔留有少許甜味，係一個清新的小點。
脆磷馬友魚煎得啱啱好，魚肉鮮嫩，炸魚鱗帶出豐富口感，配以獨特蔬菜醬更是畫龍點睛。
單講味道，茅台鮮蠔屈雞煲已經值得一讚，茅台嘅醬香豐滿，將嫩滑鮮雞同無渣台山蠔完美結合，又滑又鮮又creamy，配菜都入晒味。
尾聲嘅花膠甘栗珍菌炆飯，用料唔錯，各種珍菌，包括羊肚菌味道濃郁，汁濃香，飯仍然粒粒分明，又有米香，值得回味。
最後嚟到萬壽薑茶鴛鴦湯圓，芝麻湯圓皮薄餡爆漿，紅糖椰絲湯圓相當有特色，配以薑茶湯底，給人一個完整而溫暖嘅收尾。
張貼
