華香雞 (已結業)

華香雞係80年代開始已經係香港開始經營，雖經歷高低，但仍然屹立不倒。早前同朋友去咗銅鑼灣駱克道嘅分店食晚餐。我地大約7點左右去到，門口已經有好多人等緊位，我地大約等咗20分鐘就入座。餐廳空間唔算大，大約容納到20人左右。餐廳主打招牌雞飯外，仲有提供牛腩、鱔肉、滷水拼盤等，選擇都多。我地最後叫咗半隻雞加個牛腩套餐。🔻招牌華香雞味道：8/10價錢：$108招牌嘅華香雞用上白滷水熬製而成，鹹香味並重，而雞肉嫩滑，就算雞胸部位都唔會覺得鞋！食落更有啲滷水的香味～好食！另外佢地個薑蓉都十分出色，薑蔥切得幼細，口感細膩，而且唔會太油，同雞肉幾配搭。🔻原味清湯牛腩味道：7.5/10價錢：$57朋友叫咗個牛腩套餐，牛腩份量多，肥瘦均勻。牛腩吸收咗清湯，非常入味，而且每舊都帶點筋同油花，口感豐富！另外套餐仲會跟個白飯、白菜同飲品或湯。🔻雞湯白菜味道：7.5/10價錢：$25白菜份量多，雞湯味都算濃。