影片
更多
2019-02-27
408 瀏覽
網上行兩年一度又嚟追魂call“誠邀續約”，終於升到1000mbps，咁就要換番部快D嘅router啦。另外上次同仔行經SOGO佢忽然話想買2K18，四佰幾？上網一check深水埗全線只不過3字頭，結果促成今日深水埗一人遊。上次撞正裝修摸門釘，今次點都食得到啦啩！行汝州街轉桂林街，老遠已經見條人龍，閃身鑽入舖内，點解裝修完好似仲逼過以前！？好彩我只係一條佬，左攝右攝梗有一個半個位俾到我。牛肉粥大腸唔該。其實合益泰根本唔須要我介紹，不過我真係出世就住喺轉角汝州街282號，真係親眼見證個哥哥仔喺合益泰腸粉批發舖頭門口第一日擺車仔檔賣腸粉，咁又真係好似好有資格講吓。當然，如果我老豆開口咁我就乜資格都冇哂啦！話說當年我出世前後，汝州街轉桂林街一列舖頭，就係我經常經常幫襯嘅昌興文具舖，當年竟然仲儲錢買過CROSS金筆；跟住係我從來從來冇幫襯過嘅陳振潮菜種舖，呢兩間嘢真係難以置信地、難能可貴地，依然屹立不倒！猶奇係菜種舖，賣種子、賣農藥……？？？？再過就係阿媽買肥仔水同非常難飲魚肝油嘅藥房；然後就到腸粉批發合益泰。聽老人家講，腸粉哥仔係當時大陸行落嚟，入得到市區就係香港人嗰隻，投靠腸粉批發親戚，俾
上次撞正裝修摸門釘，今次點都食得到啦啩！行汝州街轉桂林街，老遠已經見條人龍，閃身鑽入舖内，點解裝修完好似仲逼過以前！？好彩我只係一條佬，左攝右攝梗有一個半個位俾到我。牛肉粥大腸唔該。
其實合益泰根本唔須要我介紹，不過我真係出世就住喺轉角汝州街282號，真係親眼見證個哥哥仔喺合益泰腸粉批發舖頭門口第一日擺車仔檔賣腸粉，咁又真係好似好有資格講吓。當然，如果我老豆開口咁我就乜資格都冇哂啦！
話說當年我出世前後，汝州街轉桂林街一列舖頭，就係我經常經常幫襯嘅昌興文具舖，當年竟然仲儲錢買過CROSS金筆；跟住係我從來從來冇幫襯過嘅陳振潮菜種舖，呢兩間嘢真係難以置信地、難能可貴地，依然屹立不倒！猶奇係菜種舖，賣種子、賣農藥……？？？？
再過就係阿媽買肥仔水同非常難飲魚肝油嘅藥房；然後就到腸粉批發合益泰。
聽老人家講，腸粉哥仔係當時大陸行落嚟，入得到市區就係香港人嗰隻，投靠腸粉批發親戚，俾佢喺門口擺檔賣腸粉。
試諗，D腸粉喺後舖製造，前舖即賣，呢檔腸粉，仲唔係全港最新鮮！仲要醬料任落喎，你試吓當年喺北河街自己加醬吖嗱，打你都似。當年食已經知好食，不過就勢估唔到賣腸粉都可以賣到依家咁出名，結果批發都唔見咗，合益泰個名反而變咗俾哥仔零售。
牛肉粥大腸承惠33，唔算平啦，不過嗰份童年回憶and感覺，就非常可貴。
張貼
