紅花匯

營業中

休息中

又有細佬食神推介，book枱揀餸都係佢一手包辦，一家人齊齊整整食餐飯有獨立房間獨立廁所的確好舒服一早設計好嘅菜單𥚃面比較特別嘅係椒鹽鴨血粒，同平時豆腐粒一黑－白形成強烈嘅對比炸乳鴿，就好似咸咗啲（入味咗啲）火山骨有啲花椒嘅味道，其實個味唔錯㗎，雖然都真係有啲辣，但係辣得來好惹味，份量都幾多，仲可以打包添糯米蟹，勁多膏，糯米飯亦都炒得好煙煙韌韌，唔油膩👍🏻酸菜魚，魚肉好滑，係酸菜少咗啲 仲有個海鮮泡飯都好好味其實我哋都嗌咗好多澱粉質，有糯米飯、有泡飯、有炒麵、仲有夾章茶鴨嘅蒸饅頭🤭仲有各式各樣嘅甜品包括蛋白杏仁茶、綠豆爽、楊枝甘露、紅棗糕，黑糖糕等等。最尾仲要另外有個生日蛋糕（依家都係澱粉質怪魔）今次係慶祝中秋節&大家姐生日。