滕王閣素葷美食

營業中

休息中

兜兜轉轉，由北角去到長沙灣，然後去左西九龍中心，滕王閣終於又返到北角。新鋪位喺和富地庫既food court，地方乾淨個環境都唔錯，啲土耳其馬賽克燈裝飾好靚，地點算係越搬越好。除左麵食，原來佢地仲有素煲仔飯同素小炒，唔知係新加定一路都有但冇留意。自由選素食米線有好多選擇，一黎就先揀要普通款定係砂鍋款。砂鍋款貴幾蚊，但真心好食好多！普通款都唔差，想慳下錢加多個餸就食普通啦。湯底有六款，仲有一款叫老友湯，個名好搞笑，唔知咩黎架呢。幾款湯底入面我最鐘意咖喱同藥膳，咖喱夠香濃，藥膳就夠哂補身。自選配料都好多選擇呀，不過要注意其中有啲係有蛋奶成份，我就偏向揀豆製品同蔬菜，避免素肉。依度最正係可以自己加花生同酸菜果啲，我次次都加勁多花生，有少少唔好意思，不過好開心可以任加。腐皮卷有得散叫或者當配料加落麵到，依個係配料版，所以得兩條，煎得幾香口，幾好味。期待之後再試埋煲仔飯同其他素食。希望佢地可以落戶返喺度，唔好再四圍搬啦。