滕王閣素葷美食

營業中

休息中

有一段時間無去過和富，今日去探望友人，順道往和富商場逛逛兼午餐。地庫層有一個food court， 店舖有七，八間左右，到了午膳時候，坐無虛席，不過等一下好快有位的。揀選了嚟間葷菜，素菜小店。主打砂窩米線 / 湯飯。採用砂鍋盛載米線，保持熱度，食到最後都係熱呼呼的。湯底選擇了火腿雞湯，十分濃稠鮮甜，另每條米線都沾滿鮮香。食材自選了蘿蔔，燴冬菇，生菜，竹笙，豬皮，腐皮卷。份量頗多，毫不吝嗇。腐皮卷內裡裹著大量蔬菜，非常有口感。豬皮處理得乾淨，食得安心。燴冬菇入味十足。紫米漿用了紫米磨漿煮成，入口有微微嘅豆香，健康飲料。

係餐廳叫了個牛腩飯，好多油，賣相已經唔吸引，未食之前好彩影咗相。近距離睇真啲，有條體毛附在牛腩上，即時想嘔，唔係講笑。咁明顯都可以睇唔到，唔知有幾多人食咗，定係我唔好彩，總之以後唔會幫襯。

正所謂食豬潤麵唔使上淘寶都唔使去深水埗北角就有得食之前有一排有豬潤就成日都嚟食佢豬潤好滑啱曬嚟緊m嘅女士補血或者好虛嘅人補下一定要砂鍋火腿雞上湯湯底飲一啖湯同豬潤夾埋一齊真係無敵我淨係試過藥膳覺得冇咁夾不過其他湯底真係未試過試下有突破再話你聽不過提提你加豬潤就真係貴啲整豬潤好多功夫㗎因為太多舊所以我都冇叫到其他餸最近因為年紀大天氣乾燥唔食得咁辣所以不停試下新嘢米粉依然係咁索湯老實講呢個係好啱keto diet如果你唔食菜可以順手叫佢走埋菜如果你唔飲湯咁我又冇計喇因為我好耐冇寫食平又儲低好多相今次一次過upload埋佢仲多咗兩個湯底一個係螺絲粉另外一個係喇沙兩樣都試過真係唔錯

朋友叫我去試下間新開嘅餐廳，話係搞藥膳湯底，我就躍躍欲試！入到去，真係得我啲嘢！環境衛生又乾淨，坐低嘅時候我已經搓搓手，鼻尖飄嚟陣陣藥材嘅香味，攞嗰碗藥膳湯啜一啜，熱氣騰騰，湯頭香濃夠晒勁！湯底入口微甜，飲落去全身暖笠笠，好溫潤！添咗啲蓮藕同木耳，蓮藕爽口得嚟唔會過硬，木耳噹噹彈牙，食落超滿足啊！仲有佢嘅酸齋，酸度啱啱好，唔會蓋過其他食材嘅味道，每樣嘢食落咁鮮咁脆，口味好正！😋對唔住，我真係忍唔住要搶多兩碗！嗲晒！下次，我一定要再嗌佢嗰豬大腸同腸粉，大腸豐腴有嚼勁，腸粉滑溜溜，賣相吸引，味道就更加唔使講，一流！仲有提提你，記得找間靜啲嘅時間去，享受到慢慢嘆！口水都快流出嚟啦，落單先！🍵🥢

素食米線首選！！新界人出城去中環，打去問咗有開就專登由中環坐車去北角，就係為咗食碗麵！已經食咗好多年，跟住佢周圍搬周圍食！一有機會過海就專登去食！例牌砂鍋，微麻辣！自選餸推介揀蘿蔔！配菜自己加！好新鮮！非常推介！

淨係素湯底都有9款，肉湯底都有3款…勁多選擇，不少素食配料 💕而且味道比心目中正 @ #北角foodcourt #北角米線 🍜叫咗2碗 #素米線 🍜冬菇勁入味，另外酸甜齋，素餃子味道都正常。不過米線就比心目幼同淋身少少，但係就吸晒啲湯底味都不錯#冬蔭公湯 推介勁濃郁，而且辣到十足#藥膳雞 真係有藥膳味，但係飲多幾啖就覺得有少少鹹肉碎生菜腸，份量十足，腸粉都幾滑身，如果薄身少少會更加好任取花生蔥辣椒醬勁加分，買滿$48碗麵仲有飲品，無花果羅漢果不太甘同甜，夠濃幾好味

如果唔熟北角，大家或者未必知道和富附近有好多隱世小店，另外係和富商場的Foodcourt和富薈都有唔少選擇，今次就介紹其中一間米線店滕王閣素葷美食，試下佢係咪達到世一標準。去到店舖發覺呢度其實有好多唔同的選擇，甚至米線湯底都有9款選擇，包括比較特別的日本麵豉、藥膳滋補湯同埋沙嗲湯等。咁我尋找世一米線，都係以雲南米線方向為依歸，所以最終都係揀左雞翼麻辣米線。一上枱望見個湯底色水唔差，不過就比較稀，都知道未必係正宗的雲南小鍋米線的做法，不過見到雞翼煎得幾「靚仔」。另外呢度的配菜係任加，種類亦都好多，例如有芫荽、花生粒、蔥花、酸菜同埋我鐘意的辣菜脯。湯底味道係麻辣米線黎講唔算濃，似屋企媽媽煲的湯底，肯定係無味精，如果用車仔麵湯底黎講絕對係高質。不過係尋找世一米線黎講就未必達到標。雞翼有四隻夠晒份量，煎得香脆，味道餣得唔錯。整體黎講，連埋飲品都係大約五十幾蚊，係港島黎講算係抵，仲要晚市與午市同價，如果我住附近都幾肯定會變成晚餐食堂。

我最鍾意佢嘅湯同埋佢嘅配料因為減肥原因成日都走麵其實佢好多米線㗎總之女人唔舒服嗰幾日食過極辣湯底就成身舒服曬佢有好多正嘅配料我嘅最愛就係蓮藕呢個好似葫蘆嘅物體唔記得咗叫咩名又脆又爽口仲有其他配料不能盡錄自己試下啦我鍾意喺呢度食係因為環境唔錯老老實實北角lunch time周圍大把人喺呢度一定搵到位佢嘅藥膳湯底食完都好舒服腐皮卷 大腸 同埋酸齋都係我嘅至愛次次食嚟食去都係呢啲不過佢嘅腸粉都係好好味好滑希望佢做得住啦唔好搬走呀我會好掛住你㗎

未食已經大愛，因為難得不用在菜單上找素標誌。絕大部份是素，括號的是五辛或葷😍終於素菜在菜單上的大眾了🥳麵底：5款選擇：你份看看上海麵、烏冬、薯粉、米線和米粉。反正都要食澱粉質，當然選擇薯粉😍湯底：10個！係10個素湯底！！其中一個含五辛。兩個葷湯底。我叫左喇沙試吓，味道雖然不太像，不過都好食😋有機會再試其他湯底。配料：分四大類，排第一又最多款式嘅係素菜類，有17款。排第二都有10款係素肉類。仲有葷丸同葷肉共9款。選了含碘量高的海帶結、豆卜和炆冬菇。冬菇好稔好入味，豆卜補充蛋白質。重點：其實食米線，我不嬲重點都係d 芫荽蔥🤭呢度係自己加架🥳 有6款選擇添呀！麻辣蓮藕好辣但爽脆，仲有炸花生同酸菜超正！

餐廳位於商場嘅food court入面，food court嘅裝修充滿民族風格。餐廳收銀位置放有自選米線嘅落單紙，形式類似車仔麵店咁。圈低想食嘅野食交比店員就可以，或者直接同店員講想食咩都得。當食物整好後，部機會響，提醒可以去拎食物。取餐位置放有唔同嘅配料同調味料，例如芫荽、花生粒、蔥花、酸菜、胡椒粉等，可以按自己喜好加到食物上。自選素食大碗米線 ($32)本身只放有素肉碎同芽菜，其他配菜要自己加到麵上調味湯底: 藥膳滋補湯麵底: 米線素菜類 (每款 +$8) 炆冬菇響鈴蘿白素肉類 (每款 +$10)素雲吞 (3粒)藥膳湯底有香濃嘅藥材味，味道鹹鹹哋。蘿白好大嚿，煮得夠淋同入味。素雲吞有類似沙葛爽口嘅口感，入面仲包有素肉、甘筍同椰菜。檸檬生薑養生茶 (跟餐附送)有薑母茶味。皮蛋芫茜腸 ($40)腸粉皮較厚。如果整薄D同多D餡料就更好。

北角嘅滕王閣位於和富中心地庫嘅 food court，葷素食比例可謂一半半，再加上 food court 仲有其他美食，素食者同非素食者和諧地一齊食飯冇難度。☮️✌️雖然係葷素共食，但滕王閣嘅素食絕冇揸流灘，款式又超多，真係要去好多次先試得哂啲嘢食。真漢子今次試咗：🍜 自選素食大碗米線包湯底，麵同飲品 $32，我加咗猴頭菇丸 $10，素蝦丸 $10，素雲吞 $10。揀咗咖哩湯烏冬，飲凍紫米漿。👾咖哩湯底好濃又夠杰，烏冬係非手打，但我其實仲鍾意，因為 cheap 烏冬較索湯。愛食素肉嘅朋友食呢個米線會超開心，因為一次可以試好多款呀。😋😋素蝦丸夠爽口彈牙，可惜唔索汁，反而猴頭菇丸係掛汁嘅皇者，大大粒又充滿層次感，可謂素食界嘅牛丸。😅雲吞都算大粒，而且好好味，同埋都係果句，好索汁。😆 餡料就唔係好食得出有咩，似乎有紅蘿蔔同素肉？另外問過店員，雲吞皮或水餃皮有冇蛋，佢話水餃肯定冇，雲吞皮黃黃哋應該係色素啫。🥟🌈呢個麵唔止好食，烏冬份量又夠多，無論雲吞同丸都係每款比三粒，真係超滿足同抵食。🫰食米線可以去「自助配料區」加配料，除咗芫荽，花生呢啲 standard 嘢之外，連泡椒，酸豆角都有，超正。😍🇸

老老實實我係佢嘅忠實顧客因為佢啲嘢好食我又唔花心嚟嚟去去都係食嗰幾樣嘢所以食評嚟嚟去去得嗰幾樣上次見到有人食咗個豬潤粥我自己好憎食粥嘅但係又好鍾意食豬潤見到佢即刻雙眼發青光決定要一試畀我嘅時候連埋個沙煲啲粥仲滾緊豬潤唔腥有咬口唔多沙啲粥好棉好滑簡直係享受嚟入面有薑絲食完成個人暖曬佢嘅砂鍋米線非常好味最鍾意食豬大腸雲吞酸齋腐皮卷最近佢又加返個火腿雞上湯呢個係幾年前最原先嗰間舖頭先至有嘅湯底真係又試番先仲有真心推介佢嘅腸粉非常滑我自己鍾意豬潤加雞蛋yummy

等左好耐終於開返🥹今日食左咖哩砂鍋米粉、生滾豬膶米線藥膳湯、孜然雞翼、煎腐皮卷、紫米漿，仲有素食選擇👍👍全部都係真材實料又好味，值得再幫襯！好食推介：雞翼、雞扒、腐皮卷、砂鍋系列！

之前開在長沙灣，然後轉址到西九龍中心，再轉到今天的北角和富美食廣場。原來做到2022年9月底，又再搬到尖沙咀，所以好難得今次可以食到，而美食廣場內的土耳其環境非常優美，而且坐得好舒服。平日下午茶時間去，完全冇人。不過就沒有腸粉供應，但亦有好多選擇。我影左好多相，大家可以一齊睇👍🏻🤭今次沒有選擇砂碢米線🍜（希望下次可以試吓）選擇普通的米線（$31）另加響鈴（$8）同雲吞（$10 三粒）原來係蔬菜雲吞。有一杯飲品送，選擇了柚子蜜，味道不錯👍🏻

放假莫過於跟好姊妹或好朋友出街！ 在今年5月1日勞動節假期，我們一行3人好姊妹走到給人煥然一新、充滿異國色彩的北角和富薈美食廣場！我們兜了一個圈，我跟另一位好姊妹覺得 <滕王閣素葷美食> 最啱食！供應：素食款式真的多元化！而且，價錢大眾化！落單付款後，等待電子儀器有紅燈閃亮時，食客可自行走到 counter 取食物！素叉燒飯 $48好足料又抵食！素叉燒似是豆製品，口感紮實， 底部有雜菜：西蘭花、甘筍、黃芽白...等！白飯充滿飯香，有點乾身，配上甜美的醬汁好開胃！熱堅果豆漿 $9好抵飲， 質感濃稠少甜，相對天然健康！車仔米線 $31好姊妹點了這碗米線好大碗，亦啱她口味！