影片
更多
2023-07-19
2732 瀏覽
素食之友約吃午飯，選址黃埔天地百寶坊第 3 期地下嗰間人氣 Café「素年 Be with Years」。餐廳裝潢走簡約日系風，純白牆身、木製檯櫈，再配以落地大玻璃，環境寧靜清幽，予人悠閒潔淨之感。餐廳主打日式及西式素食料理，我哋點咗兩個純素午市套餐，價錢唔算貴，平日下晝 5:30 前嚟仲免收加一服務費～生酮夏威夷三文魚牛油果沙律碗 ($108) 個沙律碗用料好豐富，有素三文魚、牛油果、藍莓、紅黃甜椒、紫椰菜、西蘭花同羽衣甘藍等，色彩繽紛，賣相超吸引。啲三文魚粒雖然係以蒟蒻製成，但由顏色、魚紋，以至魚脂都幾可亂真。藍莓酸甜多汁、牛油果熟度剛好，加上餐廳自家製嘅檸檬薑汁，口感好 fresh。另外呢客日式純素豬扒汁吉列豬扒定食 ($138) 仿真度亦非常之高，素豬扒用新豬肉製成，外皮炸得勁香口，酥脆又不油膩，配以面頭嘅酸甜豬扒汁，佐飯一流！定食仲配有醃漬蘿蔔、梅醋桂花串茄漬同蕨餅，番茄甜甜酸酸、好開胃。蕨餅煙煙韌韌，食落好有咬口，軟糯又唔痴牙。跟餐飲品有熱京都宇治玄米茶 或 凍斯里蘭卡伯爵茶可供選擇，前者湯色淡綠、香味清新；而後者則帶柔和柑橘香。一場嚟到，梗係要食埋甜品先走，點咗客宇治
素食之友約吃午飯，選址黃埔天地百寶坊第 3 期地下嗰間人氣 Café「素年 Be with Years」。
餐廳裝潢走簡約日系風，純白牆身、木製檯櫈，再配以落地大玻璃，環境寧靜清幽，予人悠閒潔淨之感。
餐廳主打日式及西式素食料理，我哋點咗兩個純素午市套餐，價錢唔算貴，平日下晝 5:30 前嚟仲免收加一服務費～
生酮夏威夷三文魚牛油果沙律碗 ($108) 個沙律碗用料好豐富，有素三文魚、牛油果、藍莓、紅黃甜椒、紫椰菜、西蘭花同羽衣甘藍等，色彩繽紛，賣相超吸引。
啲三文魚粒雖然係以蒟蒻製成，但由顏色、魚紋，以至魚脂都幾可亂真。藍莓酸甜多汁、牛油果熟度剛好，加上餐廳自家製嘅檸檬薑汁，口感好 fresh。
另外呢客日式純素豬扒汁吉列豬扒定食 ($138) 仿真度亦非常之高，素豬扒用新豬肉製成，外皮炸得勁香口，酥脆又不油膩，配以面頭嘅酸甜豬扒汁，佐飯一流！
定食仲配有醃漬蘿蔔、梅醋桂花串茄漬同蕨餅，番茄甜甜酸酸、好開胃。蕨餅煙煙韌韌，食落好有咬口，軟糯又唔痴牙。
跟餐飲品有熱京都宇治玄米茶 或 凍斯里蘭卡伯爵茶可供選擇，前者湯色淡綠、香味清新；而後者則帶柔和柑橘香。
一場嚟到，梗係要食埋甜品先走，點咗客宇治金時豆腐撻 ($58)，撻皮食落好鬆脆，內藏綿密紅豆蓉同抹茶忌廉，甜度適中具回甘。
頂層嘅豆腐採用有機大豆製成，豆味分外濃郁兼具香滑，配上甜蜜嘅紅豆蓉，Perfect Match，為午餐完美作結。
張貼
