浜滝

營業中

休息中

依間餐廳係朋友介紹，貪佢唔限時間，點知一食就驚為天人了。叫左一個刺身拼盤，燒白鰻，冰蜆，鰻魚飯，同一杯青檸梳打刺身拼盤佢有五種刺身，用黎打卡就最岩了。有好新鮮，好甜，食落仲有海水味的蠔，有好肥美，一d都唔腥的三文魚，有好好好大隻的蝦，又係好甜，仲有好大粒，好甜的帶子，仲有登登登登！海膽啊！仲有三大塊啊，撈埋醬油一齊食，好味道！燒白鰻依樣係店員介紹的。佢見我叫鰻魚飯，就叫我試下白鰻。我本身冇乜expectation,點知一試就覺得好爽口！個汁又好正！下次一定要再點！冰蜆冰蜆就係一上枱要立刻食，店員話係日本新鮮運到，仲要凍食先夠滋味，撈埋佢個柚子汁，帶哂佢d鮮味出黎啊！鰻魚飯鰻魚飯要做得好食，個汁都好重要！佢個燒汁真係好過好多日本料理餐廳，仲要燒得鰻魚好香，d汁撈飯，撈埋鰻魚，搞到而家都有d肚餓！青檸梳打五十幾蚊大大杯，個可以兩個人分，算係咁啦，本身想叫梅酒，但店員話賣哂。下次一定要試！