漁釧 (V Walk) (已結業)

一直都好鍾意漁釧嘅嘢食，選擇多之餘仲要價錢親民，從每晚門口條長龍就知有幾受歡迎。琴日因為打風所以早咗收工，咁就獎勵吓自己啦。於是去咗南昌站V Walk新開嘅漁釧，餐廳嘅裝修依然咁日系，木材用料同一排日式大燈籠都俾人有一種去咗日本古代嘅感覺，相當有意思。而我今日試嘅係佢哋性價比甚高嘅“特上刺身御膳”，大大份海膽加唔同嘅魚生連沙律、前菜、味噌湯加蒸蛋，午市套餐都係208蚊咋 ! 等我下次再嚟食埋其他嘢先。