makan makan (MONTEREY Place)

如果有去將軍澳南行海旁，晚上一定會留意到呢間紅色餐廳。紅色主調好鮮明，有戶外位可以吹下海風。餐牌上主打馬拉菜，亦有泰菜揀。炒粿條都好一段時間冇食過咁有質素既炒粿條。用上新加坡黑醬油，絕對不是死咸。加上大蝦、蜆肉同雞蛋，建議配埋辣椒油一齊食，更具風味。泰式牛肉沙律好有水準既泰式沙律，香煎牛肉嫩口，配搭各種蔬菜(青葱、番茄，乾蔥)，健康，開胃又好食。新加坡喇沙配菜好足料，有大蝦、雞蛋、魚片同豆卜。喇沙用上鮮蝦湯，夠香濃，好有地道風味。泰式芒果糯米飯香甜芒果，糯米飯微熱，豐富椰漿，口感煙靭，配埋脆米一齊食有驚喜。Nanas Paradise混合菠蘿 、柚子、青檸同香茅，少少酸解辣一流。Ribena Lychee有氣利賓納好爽既口感，配埋荔枝，無論打卡定係飲都咁正。