影片
更多
2025-03-10
261 瀏覽
之前行過紅磡海邊，見到有間靚海景嘅泰式餐廳好多人，bookmark咗星期六過嚟試下。結果真係好「幸運」，去嗰晚竟然大霧，咩海景都睇唔到，整個感覺好似喺仙境食飯咁。雖然有啲失落，但又幾得意，感覺浪漫又特別。 芒果糯米飯 芒果夠甜夠香，配埋份量剛好嘅椰奶同黏糯帶斑蘭香嘅糯米飯，很不錯。香蒜辣椒炒通菜 通菜炒得爽口唔有油膩，蒜香十足，辣味啱啱好。蟹肉忌廉咖喱配香脆長棍法包 咖喱濃郁非常，蟹肉新鮮滑嫩，而且份量夠多，法包烤得好脆，可以用嚟點咖喱食。之後再點咗個白飯黎餸咖喱，一樣都係好夾。鮮蝦芒果米紙卷賣相幾靚，口感好清新，係好健康嘅前菜，不錯。泰式大蝦炒金邊粉 金邊粉炒得乾身入味，蝦肉彈牙，加入辣粉味道更多層次。柚子大蝦沙律 柚子酸酸甜甜，蝦夠鮮，食落口感好豐富，幾開胃。 🍸雞尾酒-THE BAYSIDE SANGRIA 點咗杯招牌雞尾酒，賣相幾靚，紅酒同埋雜果味道好夾，飲落有少少微醺微甜感，幾容易入口
芒果糯米飯
芒果夠甜夠香，配埋份量剛好嘅椰奶同黏糯帶斑蘭香嘅糯米飯，很不錯。
香蒜辣椒炒通菜
通菜炒得爽口唔有油膩，蒜香十足，辣味啱啱好。
蟹肉忌廉咖喱配香脆長棍法包
咖喱濃郁非常，蟹肉新鮮滑嫩，而且份量夠多，法包烤得好脆，可以用嚟點咖喱食。之後再點咗個白飯黎餸咖喱，一樣都係好夾。
鮮蝦芒果米紙卷
賣相幾靚，口感好清新，係好健康嘅前菜，不錯。
泰式大蝦炒金邊粉
金邊粉炒得乾身入味，蝦肉彈牙，加入辣粉味道更多層次。
柚子大蝦沙律
柚子酸酸甜甜，蝦夠鮮，食落口感好豐富，幾開胃。
🍸雞尾酒-THE BAYSIDE SANGRIA
點咗杯招牌雞尾酒，賣相幾靚，紅酒同埋雜果味道好夾，飲落有少少微醺微甜感，幾容易入口
張貼
