茶木‧台式休閒餐廳 (康怡廣場北座)

營業中

休息中

星期五約咗個朋友去康山食晏，平時成日都見到好多人排隊，而今次我哋好早就到，11點半開門就入去，所以唔使排隊，坐嘅位置都唔錯，因朋友食晏後要趕返工，所以我哋一坐低就睇餐牌，大家都揀咗食午餐自選套餐，每個套餐$66(另收加一)，有指定前菜(三小碟)，主食(任選一款)，我哋揀咗薑蔥油嫩雞及粟米魚柳，至於飯麵(任選一款)，我哋都揀咗肉燥手作麵，餐飲都揀咗柚子茶，上菜速度夠快，唔需要等好耐。而今次我哋都覺得前菜唔錯，手作湯麵都幾好味，柚子茶唔會太甜，而且又夠大杯，唯一係主食一般，雞肉唔夠嫩，店內環境都算乾淨，職員亦有禮貌，總算係一個食晏嘅好地方。