茶木‧台式休閒餐廳 (康怡廣場北座)

我和家人在星期日下午一點左右抵達餐廳，大約等了20分鐘才入座，之後我們點了四個套餐。前三個套餐大約在20分鐘內送上，但有一個套餐等了大約有30分鐘都沒有上，我們發現比我們晚入座的客人都已經送餐了，而且是和我一模一樣的套餐，於是我選擇再等一會，不到5分鐘我的餐就到了。不過，我明明點的是另外一個沙律，他卻送了另外一個給我，卻沒有解釋，但是我有聽到他跟別桌的客人解釋沒有芒果了。食物方面：豬軟骨和牛腩煮得非常軟，老人家也能吃得下。不過，對於他們來說份量比較大。服務方面：員工會主動在水杯未空前就添滿，而且向員工提要求，他們耶會馬上執行，服務態度不錯。…查看更多

好耐冇食過茶木，今日lunchtime 經過見到有個set 好邪惡，有齊正餐，小食，珍奶，仙草芋圓最特別係有半條油炸鬼，上枱時仲好脆，滿足晒要食正餐又想食吓甜品嘅您青瓜麻辣手撕雞飯- 清淡中帶點麻辣汁非常開胃，而且係菜飯感覺健康，略嫌飯底較腍檸檬綠茶愛玉- 酸中帶甜檸檬綠茶愛玉彈口非常清新仙草芋圓珍珠- 仙草珍珠同芋員分開上枱，可以自己調較甜度…查看更多

這家位於香港太古康山道康怡廣場的茶木（M4號舖）主打港式滷水牛腩麵及各類配菜，味道和食材水準均令人滿意。牛腩、牛筋與牛肚滷得入味，軟腍帶嚼勁，配上彈牙麵條，滷水滲透每一口，既香濃又不膩。拼盤配菜有滷水豆腐、牛蒡及鴨血，入口細膩，滷香及鹹度適中，適合喜愛傳統風味的食客。另外點的熱豆漿香濃，口味突出，是香港茶記水準之上之作。店內環境乾淨整潔，服務親切，出餐速度快，有效應對午市繁忙時段。總體而言，這家店味道地道，價格合理，很適合想吃一頓傳統港式滷水或牛腩麵的朋友，是太古一帶值得推薦的小店。📍地址: 香港太古康山道1-2號康怡廣場北座閣樓M4號鋪…查看更多

#豬同鴨講 #Pig2duck▫️🔍 茶木 TeaWood📍 香港太古康山道1-2號康怡廣場北座閣樓M4號舖▫️📝 ★★☆☆☆ 👎▫️▪️▪️▪️▪️▪️▪️▪️▪️▪️▪️💸 7月1日見到有七一折幾抵入去幫襯，記憶中既質素幾好 💭 幾年無食過 估唔到依家竟然要出差評 ❌😣 首先一入去啲餐具係唔乾淨，個碟上面有食物殘渣，筷子油淋淋 🥢 食物方面...如下▪️▪️▪️▪️▪️▪️▪️▪️▪️▪️▫️【 鮭魚奶油野菌手作麵 】 HK$98🍜 手作麵好腍無彈性，應該煮完放咗好耐，唔係即叫即煮 🍼 冇乜奶油味，味道清淡，適合健康人士 😵‍💫▫️【 鹽酥雞排肉燥飯 】 HK$82👍 最好食 🐓 不過雞扒有啲薄，肉燥比幾年前食少 🐷▫️【 黑糖麥香奶茶 】 HK$28🧋第一次比錯左杯黑糖珍珠奶茶 🤯 之後再上枱既懷疑係早前上錯的同一杯，不過拎走左啲珍珠 🥄 因為完全無麥香味 💢 同少左好多黑糖漿👀 成杯野好淡味，中伏 👎▫️【 巧克力曲奇蜜糖磚塊 】 HK$78🧇 唯一最期待的甜品，共有三塊多士，面兩塊多士係脆既，之後最底個塊係淋既 🍨 曲奇雪糕唔夠多，所以食到最後的麵包係沾唔到雪糕，變左乾啃 💀▫️▫️完！▫️▫️…查看更多

大古城行到攰攰地，見到茶木就入去黎個下午茶。週末冇特別下午茶優惠。冇乜人等位，好快坐底左。天氣太熱，點左個草莓蜜糖磚塊🍓呢個甜品根本係「邪惡與治癒並存」嘅代名詞！厚切吐司烘到金黃酥脆，邊位微微焦香，用叉輕輕一壓就聽到「咔嚓」聲～草莓粒🍓唔算多，而且一如以往都係酸既，好彩有返個草莓果醬，配上香草雪糕🍦，中和左d酸味。外層吐司係非常香脆，內層軟綿帶著蜂蜜香，雪糕融化後滲入吐司紋理，每啖都係「冰火兩重天」嘅口感衝擊！唯一缺點係分量有點縮水，記憶中係四方麵包疊3層，依家變左係三角形麵包🥲。…查看更多

每次早上經過都要等位，只能過門不入，今天卒之不用等了。這份台式糉早餐非常有飽足感：肉燥糉粽+肉燥米粉+飲品(我選了熱豆漿)，糉料有小滷肉、冬菇粒、芋頭粒、1隻咸蛋黃，是好豐富醬油味那種，味道很好，愛濃味的一定喜歡，我便略嫌油膩，但都吃光；我覺得個肉燥米粉的肉燥是牛肉的，米粉是Q彈那款，湯底好味；最有誠意是個豆漿，大大杯非常夠熱，而且很貼心奉上小酥脆餅，超滿足的味道和份量。成份早餐$44，綠悠咭長者減$3，怪不得早晨那麼多長者光顧。還有，他們的服務和整潔度都不錯，要推介。 …查看更多

I hadn’t been here for years, but I was hungry after work, so I decided to try their afternoon tea menu. I was seated very quickly and ordered via QR code. I got a 紅燒牛肉麵 and a 小芋圓芋泥奶茶. The drink arrived almost immediately, but the noodles took over 25 minutes. When I noticed a customer who arrived much later than me had already received the same dish, I asked the staff to follow up. She checked right away and later told me the kitchen was still preparing it and that the soup was boiling. 🙄🙄 Meanwhile, the table next to me (we were seated at the same time) was almost done eating! 🙄Later, another staff member tried to deliver an order to me, but it wasn’t what I had ordered!🙄 Finally, my noodles arrived! The taste was good, but the piece of vegetable was rather raw, and some of the noodles were clumped together. Overall, it wasn’t a great experience, and I don’t feel the need to come back again.…查看更多

一碗好的牛肉麵應該散發出濃郁的醬香味，湯頭應該聞到濃郁的牛肉香，伴有香料的複雜氣味。新鮮的牛肉會散發出獨特的香氣，唔應該有任何異味。呢D係我印象中一碗好味嘅紅燒牛肉麵。而茶木呢碗真係另我失望，水平質素每況愈下，湯頭同牛肉味淡，紅白蘿蔔完全無味，唯一安慰面質仲算彈牙😪相信短時間內都唔會再幫襯啦！…查看更多

一碗好的牛肉麵應該散發出濃郁的醬香味，湯頭應該聞到濃郁的牛肉香，伴有香料的複雜氣味。新鮮的牛肉會散發出獨特的香氣，唔應該有任何異味。呢D係我印象中一碗好味嘅紅燒牛肉麵。而茶木呢碗真係另我失望，水平質素每況愈下，湯頭同牛肉味淡，紅白蘿蔔完全無味，唯一安慰面質仲算彈牙😪相信都唔會再幫襯啦！…查看更多

茶木‧台式休閒餐廳嘅台式三杯濃湯牛肉米粉拼刈包，可以話係一個唔錯嘅早餐選擇。首先，三杯濃湯牛肉米粉嘅味道唔會過鹹，係一個幾恰到好處嘅調味。牛肉唔會散開咁，反而保留咗啲咬口，食落去有少少彈性，唔會一咬就化開，呢個對於牛肉嘅質感嚟講，絕對係一個好加分嘅地方。再講刈包，呢個真係幾特別，唔係好似一般香港早餐跟嘅多士咁油膩。刈包嘅麵皮質感有少少彈性，啱啱好夾住煎蛋，唔會覺得太heavy。呢個唔油膩嘅設計真係非常好，尤其係早餐，唔會食到你有一種太飽滯嘅感覺。不過最大嘅問題就係份量。雖然味道唔錯，但係作為一個早餐嚟講，份量的確偏少。$46嘅價格，相比起其他早餐選擇，會覺得有啲貴，特別係對於食量大啲嘅朋友，呢個早餐可能未必夠飽。整個餐最值得一讚嘅係佢杯咖啡，真係相當出色。咖啡嘅香味非常濃郁，飲一口就已經感受到咖啡豆嘅香氣四溢，唔係嗰啲普通茶餐廳嘅超苦咖啡味。呢度仲好貼心，提供咗加奶嘅選擇，如果你唔鍾意飲太苦嘅咖啡，呢個加奶選擇絕對係一個好選擇。最特別嘅係，佢哋嘅奶同其他茶餐廳唔同，有少少甜味，加咗奶之後，咖啡變得非常順口，唔會過甜又唔會太苦，係一個好平衡嘅味道，啱晒唔鍾意飲齋啡嘅朋友。仲有，佢哋仲會附送一啲小食，呢個都算係幾有心思嘅一個小細節。整體嚟講，呢個早餐雖然價錢稍為貴少少，但味道同質素都係對得住嘅。特別係對於鐘意飲咖啡嘅朋友，呢度嘅咖啡絕對值得一試。…查看更多

簡餐價錢平，所以經常都會光顧，但最近發現服務質素越來越差，愛理不理，半天也不上杯水，上個餐還經常少這錯那，比較失望，豆漿都是加糖的，沒有去甜選項。菜品幾年如一日，更新太少，特別是那個菠蘿咕嚕肉又肥又甜，還有點脆生的感覺，難吃。…查看更多

水準每況愈下的餐廳，多天在message 留言反映意見，今日至今完全是已讀不回，那天光顧鹽酥雞及排骨，餸的份量是以往的一半，四塊簿切肉之餘週邊炸粉比肉更多，已經拍下照片，每塊肉比一只筷子還簿，是晚餐時段，不是下午茶時段！完全過份趕客，怪不得人人都北上消費！🤬…查看更多

這次堂食午市套餐紅燒牛肉麵 ($90)麵質煙韌牛根肉厚切，炆很好腍又入味湯底不太咸，伴有酸菜和芫茜。只是白蘿蔔和紅蘿蔔煮得不夠入味也不夠腍。餐飲 加$14 order了熱奶茶 加珍珠，走甜，茶味夠，珍珠以熱飲來說算煙韌。另外，發現有堂飲限定的杯杯賞$8 黑糖小芋圓奶茶，點了一杯少甜少冰。芋圓不太甜細細粒，茶味夠，帶黑糖香。Dine-in for set-lunch of Stewed Beef with Noodles in Soup.The noodle was al-dente. The thick-cut beef was tender and marinated well without too salty. The soup, contained coriander and pickles, was not too salty. However, the radish and the carrot were plain in flavour and not tender.Hot bubble tea, non-sweeten was ordered. The tea was strong enough, the pearls were chewy.Brown Sugar Taro Ball Milk Tea was on promotion. Only $8 for a cup. A cup with less sweetness and less ice was ordered. The small taro ball was not too sweet. The tea was strong enough with fragrance of brown sugar.…查看更多

到達時 07：28，店員說：「唔緊要，入黎坐住先。」但個 system 7:30 先可以點餐。裡面已經有一對夫婦坐在卡位。我喜歡卡位因為可以靠背，感覺比較慵懶，又可以放袋。本來見未開，諗住去另一間，但望一望 menu，被“刈包”吸引了，很久沒有食好味的刈包。先來了咖啡，奶另上，還有餅一塊。咖啡很香。望望盛奶的容器，奶是微熱的，可以自製拉花。義大利文的牛奶叫 Latte ，所以‘拉花’就叫 Latte Art。爸爸點了魚丸紫菜湯即食麵 （$46）。用 qr code 落單時超多野揀，餐牌寫米粉，但他點了即食麵。還配了太陽蛋和餐肉。一切正常發揮。我點了牛肉配米粉 （$46）。主要係想食刈包，很好，鬆軟。我很怕食啲好硬和食到一檯麵包碎的包。這個暖暖的，很好。‘刈’ 讀‘艾’，不過，我通常叫它 ‘义包’。語言是用來溝通的，我講‘义包’ 人就會諗到‘ 叉燒包’，我話唔係果個 “ 叉”呀～在門口埋單，臨走見到有人叫糉 +米粉套餐，身穿管理員制服，看來他今天預備要體力勞動。離開時 8：05，門口有3個人等緊位。…查看更多

🥢福州魚丸紫菜湯米粉 拼 刈包 Fuzhou Fish Balls and Seaweed Soup with Rice Vermicelli, Taiwanese Bun $46米粉不會腍﹐湯底不太咸The texture of the vermicelli is just fine, not too soft. The soup is not too salty. 🥢珍珠奶茶 Bubble Tea茶味夠﹐可選甜度，點的是熱飲，十分夠熱，配有塊酥餅，賣相精緻。Flavour of the tea is rich enough, you could choose the sweetness. Hot tea is served piping hot with a small piece of cookie. The presentation is nice. 🥢台式濃湯牛肉生力麵 拼 刈包 Beef in Soy Sauce, Sesame Oil and Wine with Instant Noodles, Taiwanese Bun $46麵質剛好不會腍，牛肉夠味和夠腍。The texture of the noodle is just fine. The beef is tender with fine texure. 🥢黑糖薑母茶 Tea With Brown Sugar薑味夠！Flavour of the ginger is strong enough.✏️ 總括來說﹐這裡的早餐的質素不錯！In general, the food quality here is good.…查看更多