影片
更多
2025-05-07
17 瀏覽
一年一度同男友周年紀念又到，喺尖沙咀揀咗間樓上酒吧，絕對有被呢度嘅嘢食同Cocktail驚艷到。我哋嗌咗兩個Main同兩杯酒份量剛剛好。🍝特濃卡邦尼薯仔麵團卡邦尼意粉就食得多啦，薯仔麵團我同男朋友都未試過。卡邦尼醬汁有濃郁嘅奶同芝士，整體層次好濃厚。薯仔麵團有啲煙韌，麥味帶酸，同卡邦尼醬汁嘅濃郁好平衡，推薦推薦！🔆 慢煮煙燻黑毛豬叉燒店員一開始上菜嗰陣係有個罩蓋住啲煙燻，一開閘嗰下絕對好適合打卡用。先講叉燒，煙燻嘅香氣同埋叉燒好相襯，慢煮煮出嚟嘅叉燒，令到肉質好嫩，醃肉嘅香料都令到叉燒BBQ嘅風味提升。配菜方面，薯蓉都好令我印象深刻，薯仔冇打到好爛，仲保留住薯仔嘅口感。絕對有被呢碟菜式驚艷到。🧋Milk tea wash店員推薦我哋飲呢杯模仿奶茶嘅Cocktail。用咗Rum做基調，加上earl grey tea，味道同奶茶真係好似，酒味唔會好突出，十分啱女仔試。另外調酒師仲用咗創新技術令到成杯Cocktail係透明嘅顏色，非常漂亮。🍺Wall street beer第一次試呢個香港釀製嘅啤酒，唔太苦麥味都幾突出，個人幾喜歡。
一年一度同男友周年紀念又到，喺尖沙咀揀咗間樓上酒吧，絕對有被呢度嘅嘢食同Cocktail驚艷到。我哋嗌咗兩個Main同兩杯酒份量剛剛好。
🍝特濃卡邦尼薯仔麵團
卡邦尼意粉就食得多啦，薯仔麵團我同男朋友都未試過。卡邦尼醬汁有濃郁嘅奶同芝士，整體層次好濃厚。薯仔麵團有啲煙韌，麥味帶酸，同卡邦尼醬汁嘅濃郁好平衡，推薦推薦！
🔆 慢煮煙燻黑毛豬叉燒
店員一開始上菜嗰陣係有個罩蓋住啲煙燻，一開閘嗰下絕對好適合打卡用。先講叉燒，煙燻嘅香氣同埋叉燒好相襯，慢煮煮出嚟嘅叉燒，令到肉質好嫩，醃肉嘅香料都令到叉燒BBQ嘅風味提升。配菜方面，薯蓉都好令我印象深刻，薯仔冇打到好爛，仲保留住薯仔嘅口感。絕對有被呢碟菜式驚艷到。
🧋Milk tea wash
店員推薦我哋飲呢杯模仿奶茶嘅Cocktail。用咗Rum做基調，加上earl grey tea，味道同奶茶真係好似，酒味唔會好突出，十分啱女仔試。另外調酒師仲用咗創新技術令到成杯Cocktail係透明嘅顏色，非常漂亮。
🍺Wall street beer
第一次試呢個香港釀製嘅啤酒，唔太苦麥味都幾突出，個人幾喜歡。
張貼
