影片
更多
2024-01-06
825 瀏覽
見到咁多好評，就決定紀念日來支持小店。食物方面(1)擺盤有心思，喜歡打卡必到(2) 小小餐廳，竟然有分子料理，甜品裏啲珠珠粒係紅豆沙，好玩(3) 除咗$5/隻急凍生蠔外，瀨尿蝦及其他食材都好新鮮，但件件都 over cooked。服務方面(1) 忘記冰桶，720ml 清酒都已經飲咗1/3支(2) 頭盤先嚟半打生𧐢，啲冰溶到成枱都係水, 店員沒有理會，攪到之後每個上菜碟底都係濕嘅(還是每位碟原本都濕濕地呢!)總之成枱就係濕晒啦！(3) 有時唔換餐具，有時又換，好難捉摸！為環保，接受唔換，但至少食完生𧐢應該要換呱！生熟食物分開處理是常識吧環境及潔淨方面(1) 抽氣系統好有問題，成間餐廳多油煙又抽唔走(2) 其實餐廳只係將個廚房搬咗出嚟, 再放咗個大形港式煎板起座客面前做鐵板燒！煎板短又近食客, 雜物周圍放，兩個廚師其實係 mass production 煮理。 食完，我個眼鏡滿是飛彈過嚟嘅小油煙點，出門口要清潔眼鏡。真係成面油煙，千萬唔好坐bar table。(3) 廚房已經細，仲要企三/四個人起入面，服務生要起後面張枱幫手擺盤。廚師將每件食物從前面煎板拎起轉身放落後面啲碟上(好彩廚師轉身
食物方面
(1)擺盤有心思，喜歡打卡必到
(2) 小小餐廳，竟然有分子料理，甜品裏啲珠珠粒係紅豆沙，好玩
(3) 除咗$5/隻急凍生蠔外，瀨尿蝦及其他食材都好新鮮，但件件都 over cooked。
服務方面
(1) 忘記冰桶，720ml 清酒都已經飲咗1/3支
(2) 頭盤先嚟半打生𧐢，啲冰溶到成枱都係水, 店員沒有理會，攪到之後每個上菜碟底都係濕嘅(還是每位碟原本都濕濕地呢!)總之成枱就係濕晒啦！
(3) 有時唔換餐具，有時又換，好難捉摸！為環保，接受唔換，但至少食完生𧐢應該要換呱！生熟食物分開處理是常識吧
環境及潔淨方面
(1) 抽氣系統好有問題，成間餐廳多油煙又抽唔走
(2) 其實餐廳只係將個廚房搬咗出嚟, 再放咗個大形港式煎板起座客面前做鐵板燒！煎板短又近食客, 雜物周圍放，兩個廚師其實係 mass production 煮理。 食完，我個眼鏡滿是飛彈過嚟嘅小油煙點，出門口要清潔眼鏡。真係成面油煙，千萬唔好坐bar table。
(3) 廚房已經細，仲要企三/四個人起入面，服務生要起後面張枱幫手擺盤。廚師將每件食物從前面煎板拎起轉身放落後面啲碟上(好彩廚師轉身時冇, 啲食物冇跌落地下)。其實出得街食飯，最好唔好睇住廚房點處理食物! 不過open kitchen 我又避唔到唔睇播
(4)廚師煎燶咗塊雞扒，一手拎起掉落旁邊嘅垃圾桶。我真係見識少，食咁多鐵板燒，從未見過廚師起食客面前煎燶食材，而且大大個膠垃圾桶放起鐵板爐旁邊
(5)沒有廁所(要去街尾借用永安百貨公司的) ，不計廚房，舖面唔夠200呎，冇明火煮食，應該唔需要食肆牌照！
呢間餐廳擺盤好法式，但沒有日式鐵板燒嘅仔細及清潔，以呢個價錢及地點，真係要將貨就價！
張貼
