星海．譽宴 (The ONE)

營業中

休息中

🫶🏻難得平日放假，搵定間靚餐廳同老媽去飲茶。呢間位於尖沙咀The One嘅酒樓，出名點心精緻好食以及裝修時尚，SHOPPING 完上去歇腳飲個茶就岩哂 🛍️🛒👅 XO醬臘味蘿蔔糕以XO醬煎香蘿蔔糕，整體味道咸香帶點甘甜微辣，不算油膩，當前菜小食咁食好快就食完 😋😋👅 陳皮山竹牛肉球牛肉球肉質爽滑彈牙，是有陣陣馥郁既陳皮香氣，配上喼汁更添酸甜滋味 😇👅 星海蝦餃皇每次飲茶必點，粉嫩既蝦餃粒粒渾圓大件，晶瑩剔透可見內餡，入口餃皮薄透，蝦餡甘甜鮮味，早上一籠點心，一杯茶，可謂享受 🥰👅 招牌胡椒濃雞湯灌湯餃湯汁係濃稠嘅金黃色，飲落有淡淡既鮮雞味以及比較厚重辛辣嘅胡椒味，灌湯餃內有不少鮮蝦及粒粒幼米，外皮軟薄，食完成個人暖翻晒～👅 黑胡椒安格斯牛肉腸入口就知腸粉用嘅果然係比較高級嘅安格斯牛肉，牛味出眾，夾雜住些許蔥花嘅香氣，皮薄餡多，點醬油食尤其鮮味 💜👅 金沙鮮魷魚手多多點左份小炒，結果份量多到食唔晒要打包 😂呢度菜將鹹蛋黃同鮮魷魚混合炒成，每件魷魚因而富有濃郁既蛋黃味，伴飯食香口，不過食多左會有啲濟 😜👅 呂宋香芒布甸冰涼甜美嘅布甸，內含不少粒粒芒果，鮮甜美味 😋😋▫️◾️▫️◾️▫️◾️▫️◾️▫️◾️▫️◾️▫️