影片
更多
2024-03-05
55 瀏覽
天氣又涼番. 啱曬打邊爐. 今日約左個朋友睇完玩具, 就去試下間新開無耐嘅火鍋店 (唐坊火鍋私房菜) , 呢間店新開無耐, 位於旺角商廈高層有落地大玻璃, 景觀都唔錯, 裝修簡潔, D坐座位枱距都足夠 坐得好舒服. 本身都知呢間係散叫唔係任食火鍋, 應該食物質素會好D , 因為朋友想食好D！ 睇緊Menu 時 頭痕叫咩食好時, 店員就過黎介紹左個剛推出 嘅2人套餐. 咩都有仲有刺身添, 朋友話就試下呢個餐啦. 2人套餐 $788 - 鍋底 (4選1)煲冬瓜瑤柱美腿鍋唐泰北蝦冬陰公湯鍋極濃蝦鍋酸菜三文魚骨腩鍋- 2人刺身拼盤- 2人海鮮盤- 手切特級牛(細)/ 橡果豬(細) 揀其中一樣- 韭菜餃及蟹肉餃- 田園雜菜籃- 手打烏冬/公仔麵 揀其中一樣- 兩杯無酒精飲品 (可樂/ 無糖可樂/ 忌廉/ 椰子水/ 低糖果汁)另外我地加左一碟手切特級牛(大) 因為朋友大食. 我地揀左個第一次見嘅極濃蝦鍋, 呢個湯底真係不得了. 店員上左個湯底后,會提醒我地滾起后要先飲個湯先. 我地兩個都係湯怪, 無湯不歡. 真係一試停唔到. 個湯內有蕃茄, 蝦. 真係極濃勁鮮甜,我地兩個真係一碗
呢間店新開無耐, 位於旺角商廈高層有落地大玻璃, 景觀都唔錯, 裝修簡潔, D坐座位枱距都足夠 坐得好舒服.
本身都知呢間係散叫唔係任食火鍋, 應該食物質素會好D , 因為朋友想食好D！
睇緊Menu 時 頭痕叫咩食好時, 店員就過黎介紹左個剛推出 嘅2人套餐. 咩都有仲有刺身添, 朋友話就試下呢個餐啦.
2人套餐 $788
- 鍋底 (4選1)
煲冬瓜瑤柱美腿鍋
唐泰北蝦冬陰公湯鍋
極濃蝦鍋
酸菜三文魚骨腩鍋
- 2人刺身拼盤
- 2人海鮮盤
- 手切特級牛(細)/ 橡果豬(細) 揀其中一樣
- 韭菜餃及蟹肉餃
- 田園雜菜籃
- 手打烏冬/公仔麵 揀其中一樣
- 兩杯無酒精飲品 (可樂/ 無糖可樂/ 忌廉/ 椰子水/ 低糖果汁)
另外我地加左一碟手切特級牛(大) 因為朋友大食.
我地揀左個第一次見嘅極濃蝦鍋, 呢個湯底真係不得了. 店員上左個湯底后,會提醒我地滾起后要先飲個湯先.
我地兩個都係湯怪, 無湯不歡. 真係一試停唔到. 個湯內有蕃茄, 蝦. 真係極濃勁鮮甜,我地兩個真係一碗駁一碗. 差D飲曬個湯底.
極力推薦大家試.
刺身拼盤- 好新鮮, 正常, 火鍋店黎講算係出色.
海鮮盤 - 不得不讚, 用料新鮮, 全部海鮮都好新鮮. 每件都食出鮮甜味.
另加手切特級牛(大) - 牛味正常
橡果豬(細) - 呢個豬有驚喜, 豬味重, 肉質軟淋好好食. 下次一定會再叫.
韭菜餃及蟹肉餃 - 大大件. 唔錯
田園雜菜籃 - 大份, 清洗得好乾淨.
手打烏冬配埋個蝦湯底一流. 黎個完美的句點.
呢餐我地都好滿意, 全部食材都好新鮮. 湯底出色. 以單點嘅火鍋黎計佢地真係俾足料, 唔貴! 會再ENCORE.
店員都好NICE. 去食嘅話記得問下店員有無咩推介. 唔好怕羞.
好野要再提.極濃蝦鍋真係值得你地去試 !
張貼
