影片
更多
2022-09-02
1804 瀏覽
屋企人生日食飯，揀酒樓就一定最穩陣！今年選址主打潮州菜嘅百樂潮州食飯，貪佢有傳統菜式之餘又有啲新意咁，點都會啱屋企人口味，至於環境方面又冇傳統酒樓咁嘈雜，裝修高雅氣派一啲，食都食得舒服啲啦😳• 馳名鹵水拼盤 拼盤包括有鹵水鵝片、鵝肝、豬蹄筋及溏心蛋，當中嘅鵝肝絕對係當晚嘅焦點！香煎鵝肝食得多，中式版仲要係鹵水浸真係第一次，鵝肝搭落鹵水冇咩違和感，味道亦都唔會太濃，依然食得到鵝肝嘅軟滑濃香，幾有驚喜😌• 龍穿虎肚配白肉海蜇卷龍穿虎肚係一道以鱔、豬腩肉、豬大腸、冬菇、芥菜、金華火腿組成嘅傳統潮州菜，外層大腸香脆，內裏鱔鮮美，口感層次豐富，據說因為工序繁多而瀕臨失傳，好難得可以喺度食到👍🏻配上白肉海蜇卷，中和較濃味嘅龍穿虎肚，真係一試難忘😼• 川椒龍蝦球龍蝦肉新鮮嫩口，但川椒味就唔夠明顯，整體嚟講當係炒龍蝦咁食係唔錯嘅😗• 橙香䱽魚片配金沙魚皮切開一舊舊嘅䱽魚加上蜜餞咗嘅橙皮一齊食，食起上嚟非常方便，冇骨兼且啖啖肉☺️ • 四寶片皮雞好鐘意呢道片皮雞，雞皮超脆口，一咬成口都充滿油香，勁正！配搭核桃、杏仁、腰果、花生、提子乾同紅莓乾，吸收雞油後更香口😎• 麻辣蝴蝶花膠絲呢道麻辣花膠絲我又係好鐘意
• 馳名鹵水拼盤
拼盤包括有鹵水鵝片、鵝肝、豬蹄筋及溏心蛋，當中嘅鵝肝絕對係當晚嘅焦點！香煎鵝肝食得多，中式版仲要係鹵水浸真係第一次，鵝肝搭落鹵水冇咩違和感，味道亦都唔會太濃，依然食得到鵝肝嘅軟滑濃香，幾有驚喜😌
• 龍穿虎肚配白肉海蜇卷
龍穿虎肚係一道以鱔、豬腩肉、豬大腸、冬菇、芥菜、金華火腿組成嘅傳統潮州菜，外層大腸香脆，內裏鱔鮮美，口感層次豐富，據說因為工序繁多而瀕臨失傳，好難得可以喺度食到👍🏻配上白肉海蜇卷，中和較濃味嘅龍穿虎肚，真係一試難忘😼
• 川椒龍蝦球
龍蝦肉新鮮嫩口，但川椒味就唔夠明顯，整體嚟講當係炒龍蝦咁食係唔錯嘅😗
• 橙香䱽魚片配金沙魚皮
切開一舊舊嘅䱽魚加上蜜餞咗嘅橙皮一齊食，食起上嚟非常方便，冇骨兼且啖啖肉☺️
• 四寶片皮雞
好鐘意呢道片皮雞，雞皮超脆口，一咬成口都充滿油香，勁正！配搭核桃、杏仁、腰果、花生、提子乾同紅莓乾，吸收雞油後更香口😎
• 麻辣蝴蝶花膠絲
呢道麻辣花膠絲我又係好鐘意，真係做到又麻又香嗰種川菜嘅神粹，花膠食落黏口帶膠質，忍唔住一啖接一啖停不了🤤
張貼
