阿叔泰麵 (積信街)

營業中

休息中

早幾日響大圍經過呢間阿叔泰麵，比佢門面吸引咗！因為所有裝飾都好有特色，特別係門口個窗同拉閘好有feel！入到去座無虛席，我同老公一人嗌左一碗船麵。豬肉船麵有肉片+豬肉丸；牛肉船麵就有牛腩+牛丸，另外每碗都有超脆炸豬皮，絕對係畫龍點睛。無論乜嘢湯麵都好，湯係靈魂嘅所在，所以上菜之後第一時間就飲咗啖湯先，非常之濃郁，可以講係香而不膩。另外店家都有建議我哋加調味料，有辣椒粉、魚露、白糖同白醋，非常有地道風味。另外我哋仲叫咗個阿萊燒豬頸肉，香脆可口，油脂四溢，點埋個魚露非常解膩，可以話係停唔到口。最後仲叫咗個芒果糯米飯，有啲驚喜，因為成個飯嘅軟硬程度溫度同埋味道都好啱我嘅口味。如果唔係太飽嘅話我都想嗌多一份。