影片
更多
2024-02-09
95 瀏覽
從奧海城慢慢行到遨凱酒店大概10分鐘路程，吹着海風非常舒服醒神，莫芸係位於該酒店之中，同樣裝修亦好有酒店風範，氣派高雅大氣🥢黑松露燒賣皇$68原片厚切黑松露非常吸睛，口感爽脆味濃郁，燒賣肉質爽彈，混合咗冬菇碎粒，所以有着淡淡嘅冬菇香味，同時亦帶有香濃嘅黑松露味🥢金箔鮮蝦餃$68餃皮薄身Q彈，蝦肉爽口彈牙，並混合咗鮮爽嘅荀粒，增添口感🥢蟹肉菜苗水晶餃$68餃皮薄身晶瑩，鮮爽蝦肉配合嫩口無渣嘅菜苗，此餡料本身已經好好味，同時亦受到鮮甜蟹肉嘅加持，多份口感🥢手磨紅米腸粉$68紅色好有新年氣氛，滑溜腸粉包住脆卜卜嘅脆網，脆網又包裹住多汁蘿蔔絲、爽香唐芹及鮮爽蝦粒，好味得嚟層次豐富🥢蜂巢海鮮芋角$68size超大隻，蜂巢飛絲做得好靚仔，芋泥滑溜香濃，中心位嘅creamy白汁混合咗甘筍粒、蟹柳及蝦粒，入口綿香又滑溜🥢啤梨鹹水角$58粉皮外脆內軟糯，肉粒鹹香有口感，食落唔油膩🫖蕎麥茶$28/位味道清香獨特，有啲似炒香米味，冇玄米茶嘅苦澀味，帶甜香滑溜嘅口感🧈小碟$28小碟有鹹香XO醬、超香海苔味嘅脆脆腰果及酸辣微甜嘅爽脆子薑🍯餐後仲送糖水添🤩，紅豆西米綿腍甜香，正
🥢黑松露燒賣皇$68
原片厚切黑松露非常吸睛，口感爽脆味濃郁，燒賣肉質爽彈，混合咗冬菇碎粒，所以有着淡淡嘅冬菇香味，同時亦帶有香濃嘅黑松露味
🥢金箔鮮蝦餃$68
餃皮薄身Q彈，蝦肉爽口彈牙，並混合咗鮮爽嘅荀粒，增添口感
🥢蟹肉菜苗水晶餃$68
餃皮薄身晶瑩，鮮爽蝦肉配合嫩口無渣嘅菜苗，此餡料本身已經好好味，同時亦受到鮮甜蟹肉嘅加持，多份口感
🥢手磨紅米腸粉$68
紅色好有新年氣氛，滑溜腸粉包住脆卜卜嘅脆網，脆網又包裹住多汁蘿蔔絲、爽香唐芹及鮮爽蝦粒，好味得嚟層次豐富
🥢蜂巢海鮮芋角$68
size超大隻，蜂巢飛絲做得好靚仔，芋泥滑溜香濃，中心位嘅creamy白汁混合咗甘筍粒、蟹柳及蝦粒，入口綿香又滑溜
🥢啤梨鹹水角$58
粉皮外脆內軟糯，肉粒鹹香有口感，食落唔油膩
🫖蕎麥茶$28/位
味道清香獨特，有啲似炒香米味，冇玄米茶嘅苦澀味，帶甜香滑溜嘅口感
🧈小碟$28
小碟有鹹香XO醬、超香海苔味嘅脆脆腰果及酸辣微甜嘅爽脆子薑
🍯餐後仲送糖水添🤩，紅豆西米綿腍甜香，正
張貼
