莫云

今日去左位於奧運既香港遨凱酒店中菜廳「莫云」享用晚餐，由曾任香港百億富豪私廚的雷師傅主理，擅長以靈活創新的烹調手法將潮州菜的精髓與粵菜融合重新演繹叉燒.酥魚.聖女果半肥瘦叉燒、爆汁番茄仔、炸魚，份量少少，作為前菜真係最好不過糯米釀脆皮乳豬脆皮乳豬一d肥膏都食唔到，糯米既軟糯同脆豬皮口感上形成強烈既對比天子蘭花燉響螺湯天子蘭花既清香加上響螺、雞等等既材料燉製而成，清甜得黎，味道濃郁竹炭粉日本關東遼參遼參真係海參之首，用上竹炭粉包住遼參，造出酥炸既口感，入面就係彈牙既遼參，再配上上湯，特顯大廚功架既一道菜X0醬淮山煎讓羊肚菌羊肚菌釀左蝦膠，以XO醬爆炒，連配菜淮山、萵筍都好惹味脆米海鮮湯浸東星斑原條東星斑切片，下面墊有白蘿蔔，中間放了脆米，再淋上海鮮湯，東星斑片好嫩滑，整碗鮮味十足瓦罉泰安新鮮豉油雞未開蓋前贊酒再點火，滿滿的儀式感，選用本地泰安雞，雞味特別濃郁廚王單腳炒飯飯望落又幼又長，以為口感會帶硬，點知食落係好軟腍，好有驚喜 （驚喜到唔記得左影相🤣）上湯意大利珍珠浸時蔬意大利珍珠其實係薏仁，味道帶甜，真係好似珍珠咁閃閃放亮木瓜雪耳糖水賀歲蓮蓉壽桃包每道菜都係大廚別出心裁製成，食材用料上乘，色香味俱全，唔係今晚既飯局都唔知奧運原來有間咁高質既中菜餐廳…查看更多

📍 莫云之前同屋企人去咗奧運站酒店嘅精緻高級中菜廳🥰餐廳環境好雅致，如果慶生、請長輩食飯都好大方得體！Book咗位之後會有人WhatsApp你叫你揀set，不過🐷今次人少就冇嗌，不過set都$800-$1000/位的！💡可以泊車係香港遨凱酒店～—————————————————————{今次食評有按推介排序😝｝❣️ 玫瑰油醋汁膏蟹蒸手打肉餅 $880賣相真係好吸引🤩 成隻蟹拆件上，真係好！多！膏！好新鮮，蟹肉肉質都好okay，蟹膏蟹油完全滲入肉餅入面，肉餅係手打冇乜肥豬肉，手工菜，所以係偏貴嘅💸 .❣️ 生拆龍蝦肉滾粥 $68/位呢個係unexpected嘅美味🤤粥好綿好滑，有淡淡嘅鮮甜，有龍蝦肉！仲跟咗一份油炸鬼，炸得好好食，好出色！.❣️ 燒椒溏心皮蛋 $68用咗黄金皮蛋，辣辣的，好惹味！.❣️ 雪花蟹肉海味羹 $238/位好鮮甜，啖啖都有蟹肉！.❣️ 天子蘭花響螺湯 $168/位燉湯都好足料好好味！.❣️ 潮式滷水鵝（例） $368呢個鵝片反而有啲一般，味道ok但肉質一般，有啲overpriced .❣️ 龍蝦湯煮高山白菜心 $168雖然話係高山白菜心，但係名付其實嘅娃娃菜🙂‍↔️浸住龍蝦湯，但冇乜特別冇乜入到味，呢個唔值得可以不叫！.❣️ 小食 $28❣️ 茶位 $28/位食中菜一定有呢啲附加費架喇，不過杯茶都好好飲！.飲後甜品當日係紅豆西米露，都幾好味唔太甜，但🐷唔好紅頭佢哋就換左合桃酥！因為食飯途中有啲意外，佢哋就送多碗桃膠蛋白杏仁茶.💬 overall係幾值得去的！service都幾好—————————————————————不專業評分👅好味指數: 9/10 💰性價比: 8/10👍🏻推薦: 8.5/10 —————————————————————🏡地址: 莫云 (大角咀)大角咀海輝道18號香港遨凱酒店地下G01號舖🕑營業時間: 11:30 - 23:30（3半至6落場）—————————————————————…查看更多

After being impressed by a delicious dinner here, we returned to try their dim sum, and it didn’t disappoint. Most of the dishes were flavourful and beautifully presented. Highlights included the shrimp dumplings and the Iberico char siu rice rolls, where it was clear that premium ingredients were used. The black truffle seafood and foie gras fried rice was aromatic and indulgent, and we liked the use of thin rice grains, which gave it a more refined texture..While the truffle mushroom siu mai and caviar crab dumpling brought luxurious twists to familiar tastes, the crispy walnut cookies and bird’s nest buns were a perfect way to end the meal. However, the pork liver siu mai fell a bit flat in flavour, and the mango pomelo sago was a touch too sour for our liking..Though the waiting time between dishes was slightly long, we would still love to return in the near future.🥂魚子醬賽螃蟹餃 $68/3pc🥂花膠珍珠雞 $68🥂蠔皇叉燒包 $48🥂黑松露香菇燒賣皇 $105/5pc🥂金箔鮮蝦餃 $115/5pc🥂京蔥和牛生煎包 $68🥂伊比利亞叉燒腸粉 $68🥂豬潤燒賣$68/3pc🥂黑松露海鮮鵝肝炒飯 $198🥂燕窩壽包 $76🥂楊枝廿露 $48🥂鬆脆合核酥 $68.Overall rating: 8/10…查看更多

《大角咀隱世桃花源｜高質中菜館的詩意饗宴》 穿過大角咀的喧囂，拐進「莫云」的瞬間像是踏入水墨畫卷。灰調石牆綴著鎏金燈飾，藤編屏風隔出半開放包廂，每張木桌都擺著一盞蘭花盆景。最驚喜是天花垂落的紙藝雲朵燈，隨著空調氣流輕輕晃動，果真呼應店名「莫云」的飄渺意境。 🍍 鮮果拔絲咕嚕肉 顛覆傳統的視覺系料理！琥珀色拔絲糖衣裹著肥瘦勻稱的豚肉，咬下時「咔嚓」聲伴隨熱氣騰騰的肉汁，蘸點盤底冰鎮菠蘿粒，冷熱酸甜在舌尖炸開。侍應會貼心提醒：要趁糖衣未硬化前趕快拍照哦～ 🍓 士多啤梨山藥 粉紅浪漫來襲！日本山藥切成透光薄片，疊成玫瑰造型，淋上自家熬製的草莓醬汁。山藥的黏滑與草莓的微酸形成奇妙平衡，頂部撒的烘乾草莓碎增添脆感，女生看到絕對手機先食。 🧂 椒鹽脆皮黃金磚 以為是普通豆腐料理就錯了！將鴨蛋黃釀入日本絹豆腐，裹上薄粉炸至外層如蟬翼酥脆。椒鹽鹹香引出蛋黃的濃郁，記得要連同炸紫蘇葉一起吃，層次感瞬間飆升。 🍜 海鮮湯櫻花蝦麵 湯頭用龍蝦殼與昆布熬足六小時，鮮味直衝天靈蓋！手打竹昇麵吸飽湯汁仍保持彈牙，櫻花蝦像碎金撒滿碗緣，偷偷加了一匙店家自製辣椒油，海陸雙鮮在嘴裡掀起風暴。 🐟 生滾魚肚鮮鷄粥 寒夜救星非它莫屬！粥底綿滑得能照出人影，雞腿肉撕成細絲，魚肚滑溜如絲綢。最妙是撒上一把脆米，熱粥澆上去劈啪作響，暖胃程度堪比被毛毯包裹。 🎃 金湯珍珠浸時蔬 以為是普通上湯時蔬？漁湯底濃稠到能掛勺，菠菜與玉米山藥等浸在海洋中，那些「珍珠」，咬破瞬間湧出爆漿，瘋狂的華麗之作。 從擺盤到味覺都充滿驚喜，人均$400在中菜fine dining中算高性價比。適合慶生或帶長輩來體驗精緻粵菜，記得提前預訂窗邊位，夜景配美食才是完整享受～ …查看更多

同老人家嚟飲茶，訂咗位，去到門口一大堆人，冇人理，等有侍應嗰陣時好似要爭住同佢講咁。坐低咗，起碼5至10分鐘先有人理，可能因為佢哋太忙（可能係普遍情況，人手不夠），所以服務不到位。嘢食相當唔錯，有新式點心，味道相當好，但係等嘅時間較耐，落咗單之後最後一份點心係等咗超過一個鐘。最令人懊惱嘅係嗰個男經理，當我想問佢加一個芝麻卷嘅時候，佢用一個黑色口面同我講話賣晒，但係15分鐘之後又話我哋落咗單送咗個芝麻卷你， 十分費解。作為一間喺酒店度嘅中餐廳，服務實在係非常差，但係嘢食真係幾好，但係我都應該唔會再幫襯。…查看更多

之前為咗 team dinner，有同事選擇咗呢一間位於一號銀海嘅中菜廳。位置上並不方便，我哋都係坐的士先去到，距離最近嘅地鐵站都會有一段距離，而且位置都算隱蔽。入到去地方好闊落，格調唔錯，服務同衛生都幾好，例如侍應都會比時間我哋幫啲食物消毒。重點係由於呢間中菜館晚市門可羅雀，所以個環境好幽靜，非常符合我嘅要求。我哋之前已經安排咗個菜單，一共叫咗七道食物，雖然份量唔算太大，但係我覺得整體嚟講味道唔錯，而且佢哋全部嘅賣相都非常適合打。我最推薦嘅係玉帶冷翡翠、叉燒以及東升斑。玉帶冷翡翠味道好清新，至於個叉燒就唔算肥。所有食物的賣相可以參考我附送的圖片。由於我唔使俾錢 所以我冇辦法評論個性價比。整體嚟講食物質素值得推薦，美中不足係個交通唔方便。…查看更多

在香港的美食界，叉燒無疑是一道經典的廣東菜，而莫雲中餐廳以其獨特的叉燒受到食客的青睞。最近，我有機會品嚐他們的叉燒，這次的用餐體驗讓我印象深刻。用西班牙黑毛豬的叉燒端上桌時，首先映入眼簾的是它金黃色的外皮，散發著誘人的香氣。切片後，叉燒的肉質鮮嫩多汁，表面略帶焦糖化的甜味，與肉的鮮美相得益彰。1. 口感：每一口都能感受到肉質的彈性，叉燒的脂肪與瘦肉比例適中，讓人吃得津津有味。2. 醬汁：叉燒的醬汁香甜而不膩，帶有微微的五香粉味，完美地提升了肉的風味，讓人忍不住想要再來一片。3. 搭配：這道叉燒非常適合搭配白飯或是蒸包，無論是單吃還是搭配其他菜式，都能讓人感受到它的獨特魅力。莫雲中餐廳的叉燒無疑是值得一試的美味。無論是味道還是質感，這道經典的廣東菜都展現了廚師的用心和技藝。如果你是叉燒的愛好者，這裡將會是你不可錯過的選擇。下次再來時，我一定會再次點這道叉燒，享受它帶來的美味體驗。還有其他的菜色都值得再訪！…查看更多

呢間酒店入面既優質粵菜之前見屋企人有食過話好好食，難得放假就約媽媽過來食下先，入面既裝修好優雅🥰好高貴，仲有好大隻既龍蝦同蟹可以比我地欣賞，仲有menu都有勁多吾同既菜式比我地揀，每到餸都係即叫即整，仲要勁精緻又好食，超推薦🌟冰燒三層肉上面係炸到又香又脆既脆皮，中間就好似果凍甘，d肉都好彈牙，下面就好似凍既豬皮凍😋一舊就可以食到三種吾同既口感，再點咪佢地既芥末醬真係一流🌟黃耳百合炒芥蘭入面既黃耳係炒到好煙韌，百合係好鮮甜，芥蘭超爽脆🥬超到晶瑩剔透，無落其他香料，只係甘超已經好好食🌟黑松露海鮮鵝肝炒飯鵝肝炒飯係我第一次食，入面有粒粒鵝肝係炒到爆香😋加米黑松露既配搭，香氣撲鼻，d米飯係炒到粒粒分明，鍋氣十足，入面仲有蝦仁同帶子🦐真係啖啖都係精華，好香口，好正🌟楊枝甘露用左超精緻既粵菜碗去裝甜品，芒果味超濃郁🥭仲有粒粒分明既柚子，西米，吾會好甜，好綿密，好滑…查看更多

呢間中菜廳隱藏係香港遨凱酒店入面，裝修好靚，以木系為主調，簡約又時尚，環境非常舒適。大廳有魚缸，展示新鮮海鮮，亦有多個私密包廂，幾啱家庭聚會同商務宴客。🅵🅾🅾🅳伊利比亞叉燒（例）呢道叉燒色澤靚，外面微焦，肉質鮮嫩多汁，配上特製醬，味道濃郁而不油膩。叉燒香氣四溢，無論搭白飯🍚定單食，都好好味👍🏻乾煸蟹籽蝦球粉絲煲呢道粉絲吸收咗蟹籽嘅鮮味，蝦球彈牙，粉絲又脆，口感層次好豐富。乾煸手法令每口都有香味，食落去好驚喜❣️廚王單炒飯呢款炒飯米粒分明，炒至金黃香脆，調味適中😍整體嚟講，莫雲環境優雅、菜式精緻，無論同朋友聚餐定慶祝特別日子，都好啱🙆🏻‍♀️🙆🏻‍♀️…查看更多

有質素又不失親切感既中餐館真是一個挑戰，但係「莫云」真係幾驚喜🥰佢位於「香港遨凱酒店」，無論係菜式創意定係味道，都令人難忘☺️.今次試咗四道招牌菜，每一道都feel到用心炮製.🐟海膽醬立鱗魚一上枱賣相好搶眼球；立鱗魚皮炸得金黃香脆，魚肉嫩滑得入口即化，配海膽醬好鮮美，濃而不膩；魚皮脆口同魚肉軟滑形成強烈對比～.🐟黑醋脆鱔柳鱔柳起晒骨，炸得外脆內嫩，包粉炸但一啲都唔厚又唔油，黑醋醬汁酸甜適中，唔會蓋過鱔既鮮味，咁香口好快清碟.🐟宮廷醬烤骨（伴炸油條）五花肉大大舊都焗得啱啱好，肉質軟腍唔會太散，宮廷醬甜中帶咸，濃郁入味，配炸油條點汁黎食別有一番風味😌.🐟黑松露海鮮鵝肝炒飯壓軸嘅黑松露海鮮鵝肝炒飯又係大滿足～飯粒粒粒分明，炒得乾身又香口，黑松露嘅獨特香氣好香噴噴～鵝肝煎得外脆內滑，入口即化，配埋海鮮同炒飯嘅鑊氣，仲有每啖黑松露既香氣同鵝肝creamy口感，感覺好奢華😆.「莫云」既菜式無論係擺盤定係味道都充滿心思～無論係同朋友輕鬆聚餐，定係想同家人食餐好嘅，呢度都係一個好選擇👍🏻…查看更多

前幾天和家人一同前往“莫雲”餐廳，雅致的環境就給人一種舒適放鬆的感覺，柔和的燈光、精緻的擺件，處處彰顯著格調，在這樣的氛圍裡用餐，心情格外愉悅☺️鮮果咕咾蝦球🍍🦐 $268新鮮水果帶來清甜風韻，交融酸甜咕咾汁，裹覆彈牙蝦球, 酸香開胃、果香繚繞，蝦肉鮮爽彈潤，一口嘗盡酸甜鮮脆層次😋 叉燒拼海蜇花🐷 $96叉燒蜜香入味，軟嫩帶焦香餘韻；海蜇花爽脆清鲜，佐以香醋、香油調味，一軟一脆、一濃一淡，解膩又襯出肉香😚 主肚菌燉螺頭🥣 $168主肚菌的菌菇鮮香，交融螺頭海洋鹹鮮，慢燉出醇厚濃湯。食材軟糯入味，鮮味層層鋪展😚 黑松露鮮蝦腸粉炒飯🦐🍚 $198黑松露濃鬱奇香滲透米飯，鮮蝦彈嫩添海鮮鮮度，腸粉賦予炒飯軟糯層次，香氣複雜醇厚，米飯粒粒分明，脆、彈、糯口感交織，吃來馥郁飽滿😚🎇莫云🎈海輝道18號香港遨凱酒店地下G01號舖…查看更多

如果唔係朋友今次帶我黎，真係唔知大角咀有呢間遨凱酒店，更加入邊有呢間咁高水準嘅中菜館。由曾擔任香港百億富豪私廚嘅師傅掌廚、主打將潮州菜同粵菜互相融合。環境裝潢盡顯格調，私隱度亦高。菜式方面每道都好精緻。先來前菜冰爽梅汁雲南樹蕃茄，味道酸酸甜甜又多汁，非常開胃。伊比利亞叉燒係招牌菜，採用伊比利亞黑毛豬，入口肉質鬆軟，完全感受到豐富油脂香；松花蛋玉帶蒸白玉利用帶子、松花蛋、同豆腐製成一道層次豐富嘅菜式，有帶子鮮香嘅同時亦有松花蛋嘅濃郁；黑醋脆鱔柳將鱔柳外層炸得酥脆，而且蘸滿酸甜黑醋醬汁，醒胃美味；山葵將沙律明蝦球將彈牙蝦球炸得金黃飽滿，再加上山葵沙律醬同青瓜片一齊食；上湯菠菜，加上意大利珍珠薏米、粟米、杞子等，非常精緻高雅；廚王單腳炒飯，飯粒鬆軟且粒粒分明。…查看更多

鄰近奧海城，由超過20年經驗、曾經擔任香港百億富豪私廚嘅師傅掌廚。將潮州菜同粵菜互相融合，設計出一道又一道精緻高級嘅巧手菜式。裝潢以木系為主調，簡約而高雅。地方寬敞舒適，仲設有多間私隱度高嘅廂房。✨冰爽梅汁雲南樹蕃茄蕃茄仔清甜多汁，帶有梅汁嘅酸酸甜甜，冰爽口感作為前菜一流。✨伊比利亞叉燒採用伊比利亞黑毛豬梅頭肉，肉質鬆軟，肉汁同油脂豐富，而且上菜後一路熱住，保持最佳享受。✨黑醋脆鱔柳鱔柳炸得外酥內嫩，外層蘸滿甜甜酸酸黑醋醬汁，味道非常出色。✨松花蛋玉帶蒸白玉面層係鮮甜帶子、中間係濃郁松花蛋、底層係滑溜豆腐，層次非常豐富。✨山葵將沙律明蝦球脆皮蝦球炸得金黃，內裡彈牙，加上山葵沙律醬美味開胃。仲有看似平凡但不簡單嘅上湯菠菜。加上粟米、杞子、意大利珍珠薏米，非常清甜！…查看更多

到訪左係奧運附近遨凱酒店的中菜-莫云✨餐廳的裝潢時尚高雅，環境舒適，服務亦相當細心👏🏼整體用餐體驗都非常不錯，很適合朋友聚餐或商務聚餐~餐廳主要展現唔同中菜烹飪技巧，每道菜的賣相都非常精美，擺盤講究🥘鮮果拔絲咕嚕肉🐽 $238咕嚕肉外皮香脆，肉質鮮嫩，酸甜的醬汁恰到好處搭配新鮮的菠蘿不會過於甜膩🍍🔶椒鹽脆皮黃金磚 $98椒鹽豆腐炸得金黃酥脆，外層口感鬆化，內裡豆腐軟嫩鹹香適中，是一道令人好難抗拒嘅小食~！鮮露筍黑松露煎玉帶🍳 $138（一人份）帶子厚但煎得恰到好處，配上濃郁的黑松露醬汁和爽脆的蘆筍味道鮮美，口感豐富黃耳百合炒芥蘭🥬 $168簡單的炒芥蘭，卻能展現出廚師的烹飪功力。芥蘭炒得翠綠爽脆，無搶走芥蘭本身的鮮味👍🏼我個人比較少吃黃耳，原來口感都幾得意😆🍚廚王單腳炒飯 $188原來係加入左蟹肉一齊炒~飯粒粒分明，鹹香適中nice👏🏼總結，菜式精緻食材新鮮，烹飪技巧精湛，菜色都有驚喜，餐廳環境優雅舒適，服務周到，整體用餐體驗都唔錯😆推薦俾大家…查看更多

今日同朋友嚟到奧運站食中菜，裝潢以沉木色佈置，空間寬敞舒適，設有包房，私隱度高，無論情侶、朋友聚餐或商務宴客都好適合。菜式以潮州與粵菜為主，既尊重傳統又加入創新元素。鮮果拔絲咕嚕肉：熱辣辣上枱，外層金黃酥脆，肉質嫩滑多汁，搭配新鮮菠蘿，酸甜平衡得宜，食落好開胃。黑松露鮮鮑魚飯：原隻鮑魚好吸睛，鮑魚鮮美彈牙，黑松露香味突出，米飯飽滿，調味適中。酥脆合桃酥(8件)：合桃酥咬落酥脆鬆化，甜而不膩，口感富層次。乾燒雞泡魚乾：雞泡魚乾焦香鬆脆，鹹香味道突出，沾埋沙律醬食更正。桃膠蛋白杏仁茶：口感順滑，杏仁香氣濃郁，養生又養顏。遠年陳皮紅豆沙：紅豆沙細膩綿密，入口順滑，甜度適中，飲落好暖胃。…查看更多