悅滿軒

今日同朋友黎左荔枝角食法國菜，餐廳裝飾好有氣氛，有哂聖誕裝飾，黎食晚飯同朋友過節都真係個好好既選擇，而且服務員態度都好好，好認真推介有咩好野食。坐位方面都相當雅致，餐廳有兩層。BOOK 左7:30 黎食晚飯，入座後無耐都已經坐滿客人，或者係留左枱。咁岩當日上層應該有包場活動，十分熱鬧! 坐低就先會上贈送既餐包，餐包食落脆身，味道好有層次，配上軟滑牛油。之後我地叫左兩個主食。意大利黑松露雲吞配法國牛肝菌忌廉汁濃郁的牛肝菌忌廉汁，拼以自家製的手工意大利黑松露雲吞口感一流。黑松露味道濃郁，方型細細粒容易入口，仲有薄薄既芝士片。法國家鄉焗煲配黃油雞蕃茄味道好出，仲有大量鮮甜蕃茄仔，醬汁十分惹味，雞肉鮮嫩，雞皮焗得好香仲有蒜蓉味，鐘意食濃味既真係唔好錯過。