更多
2022-10-01
40 瀏覽
位於PP 嘅Apinara走精緻泰菜路線,餐廳環境好靚,裝潢摩登有格調,充滿泰式風情,可以偽裝一下身在泰國~一坐下,店員就送上泰國蝦片,脆卜卜,令人食唔停口!泰式蟹肉奄列 $158泰式蟹肉奄列係餐廳期間限定既曼谷唐人街滋味Menu菜式之一,開頭諗住當小食,點知一上台真係嚇親,因為真係超級巨型!唔單止面頭舖滿蟹肉,入面完全係塞滿蟹肉,勁足料,份量多到當主菜都得!如果蛋皮嫩滑d就更好啦!泰式炒金邊粉 $128金邊粉係我最鍾意嘅泰國菜式,呢度嘅成品頗有水準,炒得乾身,麵質煙韌彈性又唔油膩,材料有蝦仁、花生碎、豆腐乾等等,味道都唔錯!泰北小食拼盤$158泰北小食拼盤有幾款泰國東北部嘅小食,都係比較特別少見。炸泰式東北豬肉丸外層香脆,蘸酸子辣椒汁,辣得嚟好香,用爽脆嘅生菜包住食,可以減低辣感。
一坐下,店員就送上泰國蝦片,脆卜卜,令人食唔停口!
泰式蟹肉奄列 $158
泰式蟹肉奄列係餐廳期間限定既曼谷唐人街滋味Menu菜式之一,開頭諗住當小食,點知一上台真係嚇親,因為真係超級巨型!唔單止面頭舖滿蟹肉,入面完全係塞滿蟹肉,勁足料,份量多到當主菜都得!如果蛋皮嫩滑d就更好啦!
泰式炒金邊粉 $128
金邊粉係我最鍾意嘅泰國菜式,呢度嘅成品頗有水準,炒得乾身,麵質煙韌彈性又唔油膩,材料有蝦仁、花生碎、豆腐乾等等,味道都唔錯!
泰北小食拼盤$158
泰北小食拼盤有幾款泰國東北部嘅小食,都係比較特別少見。炸泰式東北豬肉丸外層香脆,蘸酸子辣椒汁,辣得嚟好香,用爽脆嘅生菜包住食,可以減低辣感。
張貼