信州日本料理

營業中

休息中

西環海旁一帶都有唔少餐廳，見到間日本餐廳都座滿人，就決定入去試下。裝修簡潔乾淨，坐得都舒服，唔會迫迫夾夾咁。自家制南瓜豆腐望落好似黃色嘅豆腐，食落南瓜味超濃，質感有啲似中式榚點，加埋木魚味醬油，唔會太喊，一道非常健康嘅前菜。深海池魚薄切新鮮池魚，加埋自家製酸汁，薑蓉，蔥花同埋菊花瓣。食落多種層次，酸汁更加配合到池魚嘅獨特味道。盒鴨煮黃芥末黃芥未可以中和鴨穌味，味道會帶少少辛口，同時減低鴨胸嘅肥膩感，鴨胸煎到7成熟，食落都好嫩滑。道明寺鯛魚櫻葉蒸好有特色嘅一道菜，將糯米煮至米同粥之間嘅狀態，但係又好似飯團咁，帶少少煙靭，加埋厚身鯛魚，好特別。最後會食到淡淡嘅櫻花味。呢道菜唔係間間餐廳都食到。魚湯烏冬超濃嘅魚湯加埋鮮甜嘅黃芽白菜，仲有彈牙嘅烏冬。好少會飲啲魚湯咁濃味，一問之下先知，原來廚師將魚肉連骨打到變蓉再煲。呢碗湯真係唔簡單。