慈素小聚

營業中

休息中

尖沙咀麼地道「慈素小聚」走 fusion 素食風，融合了不同地方嘅菜式，口味超多元化。食晏點咗素燒賣、日式長春卷同黑松露蘿蔔糕。燒賣以素肉、香菇及蘿蔔等炮製，春卷脆卜卜，蘿蔔糕好重蘿蔔味，真材實料，配黑松露吃，別具風味。甜梅菜肉餅飯，像真度極高，甜梅菜留有口感，配上素肉餅，非常惹味！意大利香草風味酥皮 pizza 呈正方形，批邊蓬鬆酥脆，餅心厚厚芝士，配上面頭嘅素火腿同橄欖，層次豐富，芝味滿分。紐約芝士蛋糕賣相好吸引，食落芝士味好突出。花生鹹蛋湯丸，入口鹹甜交融，有驚喜。純素酸奶，酸奶香濃順滑，口感超正！