影片
更多
2024-11-14
648 瀏覽
上次同男朋友嚟呢度試過佢啲潮州菜真係幾好食，今晚就帶埋佢家姐同未來姐夫一齊過嚟翻尋味。上次試過個魚柳浸花甲，真係好好味，好鮮甜之餘啲魚露又唔會太過鹹蓋過晒花甲嘅味道，所以必須再食多一次。然後我哋叫咗半份鵝肝，西式嘅鵝肝下便係墊多士中式嘅鵝肝下便係墊豆腐，都係俾你解膩用嘅。最重要係個鵝肝係粉肝嚟㗎，入口即溶，同樣地都唔會太過鹹，啱啱好，真係超好味呀。然後我哋叫咗個韭菜粿，佢呢度仲配埋韭菜果必點嘅潮州辣醬，佢個粉皮夠晒Q彈，煙煙韌韌軟軟糯糯嘅口感真係超好食，不過就略嫌佢啲韭菜唔夠多，如果再多啲嘅話咁就完美啦。另外我哋叫咗個藤椒雞頸，職員話佢哋用嘅雞係日本走地雞嚟㗎，唔怪得啲肉咁實淨，而且仲夠舊都咁大舊啦。佢哋嘅藤椒唔會太辣，都係比較輕微嘅藤椒味，其實都老少咸宜㗎。跟住又點少得潮州蠔烙，佢哋就用咗雞蛋同埋鴨蛋一齊整，所以個底都有少少軟糯嘅口感，不過比起正式嘅，我硬係覺得差咗啲，冇計啦，潮州妹係要求高啲㗎啦。重點嚟啦，我哋提早一日打咗電話嚟book咗一啲手工菜。其中一樣係荷包鱔，呢度手工菜都幾麻煩㗎。出邊包住嘅嗰層鹹菜，中間嘅係一大舊鱔片。因為鹹菜本身已經夠鹹，所以唔需要特別調味都已經夠晒鮮甜
上次試過個魚柳浸花甲，真係好好味，好鮮甜之餘啲魚露又唔會太過鹹蓋過晒花甲嘅味道，所以必須再食多一次。
然後我哋叫咗半份鵝肝，西式嘅鵝肝下便係墊多士中式嘅鵝肝下便係墊豆腐，都係俾你解膩用嘅。最重要係個鵝肝係粉肝嚟㗎，入口即溶，同樣地都唔會太過鹹，啱啱好，真係超好味呀。
然後我哋叫咗個韭菜粿，佢呢度仲配埋韭菜果必點嘅潮州辣醬，佢個粉皮夠晒Q彈，煙煙韌韌軟軟糯糯嘅口感真係超好食，不過就略嫌佢啲韭菜唔夠多，如果再多啲嘅話咁就完美啦。
另外我哋叫咗個藤椒雞頸，職員話佢哋用嘅雞係日本走地雞嚟㗎，唔怪得啲肉咁實淨，而且仲夠舊都咁大舊啦。佢哋嘅藤椒唔會太辣，都係比較輕微嘅藤椒味，其實都老少咸宜㗎。
跟住又點少得潮州蠔烙，佢哋就用咗雞蛋同埋鴨蛋一齊整，所以個底都有少少軟糯嘅口感，不過比起正式嘅，我硬係覺得差咗啲，冇計啦，潮州妹係要求高啲㗎啦。
重點嚟啦，我哋提早一日打咗電話嚟book咗一啲手工菜。其中一樣係荷包鱔，呢度手工菜都幾麻煩㗎。
出邊包住嘅嗰層鹹菜，中間嘅係一大舊鱔片。因為鹹菜本身已經夠鹹，所以唔需要特別調味都已經夠晒鮮甜。
而最重要嘅係呢一個湯底，上網睇話呢一款手工菜個湯係用咗好多唔同嘅料落去煲，有雞有豬，有火腿等等，起碼都煲返六至12個鐘先成氣候㗎，所以個湯真係好甜。
而另外一個手工菜就係石榴蟹，呢個就真係不得了。佢出面白色嗰一層係蛋白煎成，面頭仲有一大嚿蟹膏。
而入面就會有一啲芹菜馬蹄瑤柱同埋蟹肉絲，全部擺埋一齊包喺個蛋白中間，都好考功夫㗎。
四個人食埋啲咁複雜嘅手工菜，呢個價錢食精緻菜嚟講都算係咁。
張貼
